ମୋହନା ୦୮।୦୩ : ଗଜପତି ଜିଲ୍ଲା ବର୍ଲାଗୁଡା ଗାଁରୁ ୩୪ ଲକ୍ଷ ଟଙ୍କାର ଗଞ୍ଜେଇ ଜବତ, ଜଣେ ଗିରଫ । ଏତେ ପରିମାଣର ଗଞ୍ଜେଇ ଜବତ କରିଛି ଅଡବା ଥାନା ପୋଲିସ । ଗୁଲୁବା ପଞ୍ଚାୟତ ବର୍ଲାଗୁଡା ଗାଁର ତିଳେଶ୍ୱର ନାୟକଙ୍କ ଘରେ ଚଢ଼ାଉ କରି ୩୪ଲକ୍ଷ ଟଙ୍କାର ଗଞ୍ଜେଇ ଜବତ କରିଛି ପୋଲିସ ।
ଖବର ଅନୁଯାୟୀ, ତିଳେଶ୍ୱର ନିଜ ଘରେ ବିପୁଳ ପରିମାଣର ଗଞ୍ଜେଇ ରଖିଥିବା ପୋଲିସ ଖବର ପାଇଥିଲା । ଏହାପରେ ଚଢ଼ାଉ କରି ଘରୁ ପ୍ରାୟ ୨୫ ଟି ବସ୍ତାରେ ଥିବା ୬୭୯ କେଜି ଗଞ୍ଜେଇ ଜବତ କରିଛି ପୋଲିସ । ଏହି ଗଞ୍ଜେଇ ବିକ୍ରି କରିବା ପାଇଁ ଘରେ ରଖିଥିଲେ ତିଳେଶ୍ୱର । ତିଳେଶ୍ୱରକୁ ଗିରଫ କରାଯାଇଥିବା ପୋଲିସ ପକ୍ଷରୁ ସୂଚନା ଦିଆଯାଇଛି ।
