ବରଗଡ଼ ୦୮/୦୩ : ଇଣ୍ଡିଆନ ବ୍ୟୁଟି କାଉନସିଲ୍ ବରଗଡ଼ ଜିଲ୍ଲା ପକ୍ଷରୁ ସ୍ଥାନୀୟ ଅଗ୍ରଗାମୀ ଯୁବକ ସଂଘ ଠାରେ ଆନ୍ତର୍ଜାତୀୟ ମହିଳା ଦିବସ ପାଳିତ ହୋଇଛି । ଇଣ୍ଡିଆନ ବ୍ୟୁଟି କାଉନସିଲର ସଭାପତି ମିନତୀ ସାହୁଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ବରଗଡ଼ ଜିଲ୍ଲାର ଶତାଧିକ ମହିଳା ଭାଗ ନେଇଥିଲେ ।
ବର୍ତ୍ତମାନ ସମୟରେ ମହିଳା ପୁରୁଷଙ୍କ ସହ ତାଳ ଦେଇ ଆଗେଇ ଚାଲିଥିବା ବେଳେ ବିଭିନ୍ନ କ୍ଷେତ୍ରରେ ମହିଳା ପୁରୁଷଙ୍କ ଠାରୁ ବହୁ ଆଗରେ ପହଞ୍ଚିଛନ୍ତି। ଜିଲ୍ଲାର ବିଭିନ୍ନ କ୍ଷେତ୍ରରେ ଏପରି ପାରଦର୍ଶିତା ହାସଲ କରିଥିବା ମହିଳାଙ୍କୁ ଏହି ଅବସରରେ ସମ୍ବର୍ଦ୍ଧିତ କରାଯାଇଥିଲା । ପରିଶେଷରେ ସମାଜରୁ ଅବହେଳିତ ଅସହାୟ ମହିଳାଙ୍କୁ କିପରି ସମାଜର ମୁଖ୍ୟ ସ୍ରୋତରେ ସାମିଲ କରି ସେମାନଙ୍କୁ ସ୍ବାବଲମ୍ବି କରାଯାଇ ପାରିବ ସେ ଉପରେ ଗୁରୁତ୍ୱାରୋପ କରାଯାଇଥିଲା ।ଏପରିକି ଇଣ୍ଡିଆନ ବ୍ୟୁଟି କାଉନସିଲ ଏପରି ବହୁ ମହିଳାଙ୍କୁ ସ୍ୱାବଲମ୍ବି କରିଥିବା ଏବଂ ଆଗକୁ ମଧ୍ଯ ଏହି ପ୍ରୟାସ ଜାରି ରଖିବ ବୋଲି କହିଛନ୍ତି ଏହାର ସଭାପତି ମିନତୀ ସାହୁ ।
