ନୂଆଦିଲ୍ଲୀ ୨୨/୧୧: ଲମ୍ବୀ ହେକର ମଲ୍ଲିକା ଏବଂ ପଞ୍ଜାବୀ ଲୋକ ଗାୟିକା ଗୁରୁମିତ ବାୱାଙ୍କ ଦେହାନ୍ତ ହୋଇଛି। ତାଙ୍କ ମୃତ୍ୟୁ ହେତୁ ପଞ୍ଜାବୀ ଫିଲ୍ମ ଇଣ୍ଡଷ୍ଟ୍ରି ଏବଂ ସଙ୍ଗୀତ ଜଗତରେ ଶୋକର ଲହରୀ ଖେଳିଖେଳିଯାଇଛି। ୭୭ ବର୍ଷିୟା ପଞ୍ଜାବୀ ଲୋକ ଗାୟିକା ବିମାନବନ୍ଦର ରୋଡରେ ଥିବା ଏକ ଘରୋଇ ଡାକ୍ତରଖାନାରେ ଶେଷ ନିଶ୍ୱାସ ତ୍ୟାଗ କରିଛନ୍ତି।

{"width":683,"height":462}

ତାଙ୍କର ଲୋକ ଗାୟିକା ଝିଅ ଲାଚି ବାୱାଙ୍କର ଗତ ବର୍ଷ ଦେହାନ୍ତ ହୋଇଥିଲା ଏବଂ ସେବେଠାରୁ ସେ ଅସୁସ୍ଥ ଥିଲେ। ସେ ନିଜ ଝିଅର ମୃତ୍ୟୁ ଦୁଃଖରେ ଚୁପଚାପ୍ ଜୀବନଯାପନ କରୁଥିଲେ। ତାଙ୍କ ସ୍ୱାସ୍ଥ୍ୟ ଖରାପ ହେବାକୁ ଲାଗିଥିଲା। କିଛି ଦିନ ପୂର୍ବରୁ ତାଙ୍କ ଅବସ୍ଥା ହଠାତ୍ ଖରାପ ହେବାପରେ ତାଙ୍କୁ ବିମାନବନ୍ଦର ରୋଡରେ ଥିବା ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା, ଯେଉଁଠାରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି।

{"width":685,"height":726}

ଗୁରୁମିତ ବାୱା କହିଥିଲେ, ସେ ଯେବେଠାରୁ ଗୀତ ଗାଇବା କ୍ଷେତ୍ରରେ ପାଦ ଦେଇଥିଲେ, ,ସେବେଠାରୁ ଆଜି ପର୍ଯ୍ୟନ୍ତ ସେ କେବଳ ନିଜ ସଂସ୍କୃତିକୁ ବଞ୍ଚାଇ ରଖିବା ପାଇଁ ଗୀତ ଗାଇଛନ୍ତି, ଯାହା ତାଙ୍କ ଜୀବନର ଶେଷ ପର୍ଯ୍ୟନ୍ତ ଜାରି ରହିବ।