ମୁମ୍ବାଇ ୧୦/୫: ସୁସ୍ମିତା ସେନଙ୍କ ଭାଇ ରାଜୀବ ସେନ ଟିଭି ଅଭିନେତ୍ରୀ ଚାରୁ ଅସୋପାଙ୍କୁ ବିବାହ କରିବେ। ସୁସ୍ମିତା ସୋଶିଆଲ ମିଡିଆରେ ଏହି ଖବର ଦେଇଛନ୍ତି। ସେ ଏହି ଯୋଡ଼ିଙ୍କ ଫଟୋ ସେୟାର କରିଛନ୍ତି।

{"id":110588,"width":597,"height":336}

ରାଜୀବ ଏବଂ ଚାରୁ ବର୍ଷେ ହେବ ରିଲେସନସିପରେ ଅଛନ୍ତି। ରାଜୀବ ନିକଟରେ ତାଙ୍କୁ ବିବାହ କରିବା ପାଇଁ ପ୍ରସ୍ତାବ ଦେଇଥିଲେ। ଏହାପରେ ଉଭୟଙ୍କ ପରିବାର ତୁରନ୍ତ ତାଙ୍କ ନିର୍ବନ୍ଧ କରି ଦେଇଥିଲେ। ଚାରୁ ପ୍ରଥମେ ଟିଭି ଅଭିନେତା ନୀରଜ ମାଲବୀୟଙ୍କୁ ଡେଟ୍ କରୁଥିଲେ। କିନ୍ତୁ ପରେ ଉଭୟଙ୍କ ବ୍ରେକ ଅପ୍ ହୋଇଯାଇଥିଲା ଏବଂ କିଛି ଦିନ ପରେ ସେ ରାଜୀବଙ୍କ ପ୍ରତି ଆକର୍ଷିତ ହୋଇ ଯାଇଥିଲେ। ଏହା ପରେ ଦୁହେଁ ବର୍ଷ ଆରମ୍ଭରେ ଉଭୟଙ୍କ ସମ୍ପର୍କକୁ ଇନଷ୍ଟାଗ୍ରାମରେ ଆନୁଷ୍ଠାନିକ ଘୋଷଣା କରିଥିଲେ।

{"id":110589,"width":594,"height":435}

ଏବେ ଡେଲି ସୋପ୍ ‘କର୍ଣ୍ଣ ସଙ୍ଗିନୀ’ରେ କସ୍ତୁରୀ ଭୂମିକାରେ ଅଭିନୟ କରୁଥିବା ଚାରୁ ପୂର୍ବରୁ ‘ଅଗଲେ ଜନମ ମୋହେ ବିଟିୟା ହି କିଜୋ’,‘ୟେ ରିସ୍ତା କ୍ୟା କେହଲାତା ହେ’,‘ବାଲ ବୀର’,‘ବଡ଼େ ଅଚ୍ଛେ ଲଗତେ ହେଁ’,ଦେବୋଁ କେ ଦେବ-ମହାଦେବ’,‘ଟଶନ-ଏ-ଇସ୍କ’ ଏବଂ ‘ଜିଜି ମା’ ଭଳି ଧାରାବାହିକରେ କାମ କରି ସାରିଛନ୍ତି। ସେ ଫିଲ୍ମ ‘ଇମପେସେଣ୍ଟ ବିବେକ’ ଏବଂ ‘କଲ ଫର ଫନ’ରେ କାମ କରିଛନ୍ତି। ରାଜୀବ ଜଣେ ମଡେଲ ଏବଂ ଏଣ୍ଟରପ୍ରେନ୍ୟୋର।

{"id":110590,"width":596,"height":335}