ନୂଆଦିଲ୍ଲୀ ୦୭/୦୫: 'ଏକ୍ ହଜାରୋ ମେଁ ମେରୀ ବେହନା ହେ' ଏବଂ 'ସାରଭାଇ ଭର୍ସେସ୍ ସାରଭାଇ' ଭଳି ସିରିଏଲରେ କାମ କରିଥିବା ଟିଭି ଅଭିନେତ୍ରୀ ତରଲା ଯୋଶୀଙ୍କର ଦେହାନ୍ତ ହୋଇଛି। ସୂଚନା ଅନୁଯାୟୀ, ସେ ଗତ ଶନିବାର ଦିନ ଶେଷ ନିଶ୍ୱାସ ତ୍ୟାଗ କରିଛନ୍ତି। ତାଙ୍କ ମୃତ୍ୟୁର କାରଣ ଜଣା ପଡିନାହିଁ।

ତରଲା ଯୋଶୀଙ୍କ ସହ କାମ କରିଥିବା ପ୍ରସିଦ୍ଧ ଟିଭି ଅଭିନେତ୍ରୀ ନିୟା ଶର୍ମା ନିଜ ଇନଷ୍ଟାଗ୍ରାମରେ ପୋଷ୍ଟ କରି ଦୁଃଖ ପ୍ରକାଶ କରିଛନ୍ତି। ନିୟା ତରଲାଙ୍କ ଅନେକ ଫଟୋ ସେୟାର କରି ଲେଖିଛନ୍ତି- 'RIP ବଡି ବିଜି ତୁମେ ମନେ ପଡିବ ।' ଅନ୍ୟ ଏକ ଫଟୋରେ ନିୟା ଲେଖିଛନ୍ତି ଯେ 'ତରଲା ଜୀ ତୁମେ ସବୁବେଳେ ବଡି ବିଜି ହୋଇ ରହିବ।'

'ଏକ ହଜାର ମେଁ ମେରୀ ବେହନା ହେ' ରେ ନିୟା ଶର୍ମା ମାନଭି ଭୂମିକାରେ ଅଭିନୟ କରିଥିବାବେଳେ ତରଲା ଯୋଶୀ ବଡ ବିଜି ହୋଇଥିଲେ । ତରଲା 'ବନ୍ଦିନୀ'ରେ ମଧ୍ୟ କାମ କରିଥିଲେ। ହିଟ୍ ସିରିୟଲ୍ 'ସାରଭାଇ ଭର୍ସେସ୍ ସାରଭାଇ'ରେ ଇନ୍ଦ୍ରବଦନଙ୍କ ମା’ ବା ଭୂମିକାରେ ତରଲା ଯୋଶୀ ଅଭିନୟ କରିଥିଲେ। ସିରିଏଲ ପରେ ସେ ବା ନାମରେ ପ୍ରସିଦ୍ଧ ହୋଇଥିଲେ ।