ମୁମ୍ଵାଇ ୨୭।୦୯: ତେଲୁଗୁ ଚଳଚ୍ଚିତ୍ର ଇଣ୍ଡଷ୍ଟ୍ରିର ଜଣାଶୁଣା ଅଭିନେତା ମୋହନ ବାବୁ। ତାଙ୍କର ହାଇଦ୍ରାବାଦ ସ୍ଥିତ ଘରୁ ୧୦ ଲକ୍ଷ ଟଙ୍କା ଚୋରି ହୋଇଛି। ଏହି ମାମଲାରେ ପୋଲିସ ଜଣେ ଘରୋଇ ସହାୟକଙ୍କୁ ଗିରଫ କରିଛି। କୁହାଯାଉଛି ଯେ ଅଭିଯୁକ୍ତ ମୋହନ ବାବୁଙ୍କ ପର୍ସନାଲ ବ୍ୟାଗରୁ ଟଙ୍କା ଚୋରି କରିଛି।
ପୋଲିସର ସୂଚନାନୁସାରେ, ରବିବାର ଦିନ ଘରର ହେଲପର ଘରେ କାମ କରୁଥିବା ବେଳେ ଏହି ଚୋରି ହୋଇଥିଲା। ଯେତେବେଳେ ମୋହନ ବାବୁଙ୍କ ବ୍ୟକ୍ତିଗତ ସଚିବ ତାଙ୍କ ରୁମ୍ରେ ରଖାଯାଇଥିବା ବ୍ୟାଗ ଖୋଲିଲେ, ସେ ଦେଖିଲେ ଯେ ଏଥିରୁ ଟଙ୍କା ଗାଏବ ହୋଇଯାଇଛି। ଏହା ପରେ ସେ ତୁରନ୍ତ ପୋଲିସ ଷ୍ଟେସନରେ ଏକ ମାମଲା ରୁଜୁ କରିଥିଲେ। ତଦନ୍ତ ବେଳେ ପୋଲିସ ଅଭିଯୁକ୍ତକୁ ତିରୁପତିରୁ ଗିରଫ କରି ହାଇଦ୍ରାବାଦକୁ ଆଣିଥିଲା। ଗିରଫ ଅଭିଯୁକ୍ତଙ୍କ ନାମ ବଦିତ ଗଣେଶ ନାୟକ। ଯାହାର ବୟସ ୨୪ ବର୍ଷ ବୋଲି ଦର୍ଶାଯାଇଛି। ସେ ଅଫିସ୍ କ୍ଲର୍କ ଭାବରେ କାର୍ଯ୍ୟ କରନ୍ତି ।
ଅଭିଯୁକ୍ତଙ୍କ ନିକଟରୁ ପୋଲିସ ୭.୩୬ ଲକ୍ଷ ଟଙ୍କା ଜବତ କରିଛି
ପୋଲିସ ସୂଚନା ଦେଇଛି ଯେ ମୋଟ ୧୦ ଲକ୍ଷ ଟଙ୍କା ମଧ୍ୟରୁ ୭.୩୬ ଲକ୍ଷ ଟଙ୍କା ଅଭିଯୁକ୍ତଙ୍କ ନିକଟରୁ ମିଳିଛି। ଅବଶିଷ୍ଟ ଅର୍ଥ ଖର୍ଚ୍ଚ ହୋଇଛି। ସେପ୍ଟେମ୍ବର ୨୨ରେ ମୋହନ ବାବୁଙ୍କ କ୍ୱାର୍ଟରରେ ଏହି ଘଟଣା ଘଟିଥିଲା। ତିରୁପତି ଆସିବା ପରେ ତାଙ୍କ ରୁମ୍ରେ ୧୦ ଲକ୍ଷ ଟଙ୍କା ରଖିଥିଲେ। ଟଙ୍କା ହଜିଯିବା ପରେ ସେମାନେ ତୁରନ୍ତ ପୋଲିସକୁ ସୂଚନା ଦେଇଥିଲେ। ଘଟଣାକୁ ଦୃଷ୍ଟିରେ ରଖି ପୋଲିସ ସିସିଟିଭି ଫୁଟେଜ ଯାଞ୍ଚ କରିଥିଲା । ଘଟଣାକୁ ଆଧାର କରି ସେମାନେ ଅଭିଯୁକ୍ତଙ୍କୁ ଗିରଫ କରିଥିଲେ। ଏବେ ତାଙ୍କ ନାଁରେ ମାମଲା ରୁଜୁ ହୋଇଛି।
