କଣ୍ଟାବାଞ୍ଜି ୧୭/୨: କଣ୍ଟାବାଞ୍ଜିରେ ମାତିଛନ୍ତି ନିଶା ବେପାରୀ । ବେଧଡକ ଚାଲିଛି ନିଶା କାରବାର । ରାସ୍ତାରୁ ଜବତ ହୋଇଛି ଶହେ ବୋତଲ କଫ୍ସିରପ୍ । କୌଣସି ସୂତ୍ରରୁ ଖବର ପାଇ ବଙ୍ଗୋମୁଣ୍ଡା ଅବକାରୀ ଥାନା ପକ୍ଷରୁ କଣ୍ଟାବାଞ୍ଜି-ବଙ୍ଗୋମୁଣ୍ଡା ରାସ୍ତା ଦନ୍ଦରା ଗାଁ ରାସ୍ତାରେ ରେଡ୍ କରାଯାଇଥିଲା । ରେଡ୍ ବେଳେ ଏତେ ପରିମାଣର କଫ୍ସିରପ୍ ବୋତଲ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଥିଲେ ।
ପ୍ରାୟ ଶହେ ବୋତଲ କଫ୍ସିରପ୍ ମିଳିଛି । ଘଟଣାରେ ବଙ୍ଗୋମୁଣ୍ଡା ଗାଁର ସୀତାରାମ ସା କୁ ଗିରଫ କରାଯାଇଛି । ନିଶା କାରବାରରେ ଆଉ କିଏ କିଏ ସଂପୃକ୍ତ ଅଛନ୍ତି ତାର ଛାନ୍ଭିନ୍ ଚାଲିଥିବା କହିଛନ୍ତି କଣ୍ଟାବାଞ୍ଜି ଅବକାରୀ ଅଧିକାରୀ ସଚିନ ବେହେରା ।
