ଚିକିତ୍ସା ପରେ ହସ୍ପିଟାଲ୍‌ରୁ ଡିସ୍‌ଚାର୍ଜ ହେଲେ ପ୍ରେମ୍ ଚୋପ୍ରା, ସମ୍ପର୍କୀୟ ଦେଲେ ହେଲ୍‌ଥ ଅପଡେଟ୍

ମୁମ୍ଵାଇ ୧୬।୧୧; ବଲିଉଡର କିମ୍ଵଦନ୍ତୀ ଅଭିନେତା ପ୍ରେମ ଚୋପ୍ରା। ନିକଟରେ ଛାତିରେ ଯନ୍ତ୍ରଣା ଅନୁଭବ କରିବା ପରେ ନଭେମ୍ବର ୮ ତାରିଖରେ ମୁମ୍ବାଇର ଏକ ହସ୍ପିଟାଲରେ ଭର୍ତ୍ତି ହୋଇଥିଲେ। ଚିକିତ୍ସା ପରେ ତାଙ୍କୁ ଏବେ ହସ୍ପିଟାଲ୍‌ର ଡିସଚାର୍ଜ କରାଯାଇଛି। ଅଭିନେତାଙ୍କ ପରିବାର ଅନୁଯାୟୀ, ପ୍ରେମ ଚୋପ୍ରା ହସ୍ପିଟାଲରେ ଚିକିତ୍ସା ପରେ ଶନିବାର ଘରକୁ ଫେରିଛନ୍ତି।

ଯେତେବେଳେ ଅଭିନେତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା, ତାଙ୍କ ଜ୍ୱାଇଁ ବିକାଶ ଭଲ୍ଲା ସୂଚନା ଦେଇ କହିଥିଲେ ଯେ ଚିନ୍ତିତ ହେବାର କିଛି ନାହିଁ; ସେ ନିୟମିତ ଯାଞ୍ଚ ପାଇଁ ଯାଇଥିଲେ । ତାଙ୍କ ଅବସ୍ଥା ସ୍ଥିର ଅଛି ଏବଂ ତାଙ୍କୁ ଶୀଘ୍ର ଡିସଚାର୍ଜ କରାଯିବ।

ଅଭିନେତା ପ୍ରେମ ଚୋପ୍ରା 'ପ୍ରେମ ନଗର', 'ଉପକାର' ଏବଂ 'ବବି' ଭଳି କ୍ଲାସିକ୍ ଫିଲ୍ମ ଦେଇ ଇଣ୍ଡଷ୍ଟ୍ରିରେ ନିଜ ପାଇଁ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ।ସେ ବଲିଉଡର ସବୁଠାରୁ ଲୋକପ୍ରିୟ ଖଳନାୟକମାନଙ୍କ ମଧ୍ୟରୁ ଜଣେ। ୭୦ ଏବଂ ୮୦ ଦଶକରେ ତାଙ୍କର ଖଳନାୟକ ଅଭିନୟ ତାଙ୍କୁ ଭାରତୀୟ ସିନେମାର ଏକ ପ୍ରତୀକାତ୍ମକ ମୁହଁ କରିଥିଲା। ତାଙ୍କର ଫିଲ୍ମ କ୍ୟାରିଅର ଚାରି ଦଶନ୍ଧିରୁ ଅଧିକ ସମୟ ଧରି ବ୍ୟାପିଥିଲା। ପ୍ରେମ ଚୋପ୍ରା ୧୯୬୦ ମସିହାରେ ରିଲିଜ୍ ହୋଇଥିବା ପଞ୍ଜାବୀ ଚଳଚ୍ଚିତ୍ର "ଚୌଧରୀ କର୍ଣ୍ଣେଲ ସିଂହ" ରେ ଡେବ୍ୟୁ କରିଥିଲେ। "ଚୌଧରୀ କର୍ଣ୍ଣେଲ ସିଂହ" ବକ୍ସ ଅଫିସରେ ହିଟ୍ ହୋଇଥିଲା।