ବାଲେଶ୍ବର୨୪/୧୨: ବାଇକରୁ ନଗଦ ୨୧ ଲକ୍ଷ ଟଙ୍କା ଜବତ । ଶଳା ଓ ଭିଣୋଇ ଅଟକ । ନୂଆବର୍ଷ ପାଇଁ ସବୁଠି ଚାଲିଛି କଡାକଡି ଚେକିଂ । ବିଳମ୍ବିତ ରାତିରେ ଟାଉନ ଥାନା ପୋଲିସ ଚେକିଂ କରୁଥିବାବେଳେ ୨ ଜଣ ଧରାପଡିଛନ୍ତି । ଉଭୟ ବାଇକରେ ଏକ ବଡ ବ୍ୟାଗ ଧରି ଯାଉଥିଲେ । ପୋଲିସର ସନ୍ଦେହ ହେବାରୁ ସେମାନଙ୍କୁ ଅଟକାଇଥିଲା । ଯାଞ୍ଚ କରୁ କରୁ ବ୍ୟାଗରେ ପ୍ରାୟ ୨୧ ଲକ୍ଷ ଟଙ୍କା ଥିବା ଜଣାପଡିଥିଲା । ଅଟକ ୨ ବ୍ୟକ୍ତି ସୁନହଟ ଓ ସୋର ଅଞ୍ଚଳର । ଏତେ ଟଙ୍କା କେଉଁଠୁ ଆସିଲା ଓ କୁଆଡେ ଯାଉଥିଲା ତାର ଯାଞ୍ଚ ପାଇଁ ଆୟକର ବିଭାଗ ସହ ଯୋଗାଯୋଗ କରାଯାଉଛି । ସେହିପରି ଜଣେ ମଦ୍ୟପ ଗାଡି ଚାଳକକୁ ମଧ୍ୟ ଗିରଫ କରିଛି ପୋଲିସ ।