ଉମରକୋଟ ୫।୧୨: ଚାରି ବର୍ଷର ଝିଅକୁ ପାଦରେ ଦଳିଦେଲା ହାତୀ । ନବରଙ୍ଗପୁର ଜିଲ୍ଲା ଓଡିଶା-ଛତିଶଗଡ଼ ସୀମାନ୍ତ ଧମତରୀ ଜିଲ୍ଲା ନଗରୀ ବ୍ଲକର ସୀତାନଦୀ ବନଖଣ୍ଡ ଅଧୀନ ଅମ୍ବାହାରା ଗ୍ରାମରେ ଘଟିଛି ଏଭଳି ଘଟଣା । ବୁଧବାର ବିଳମ୍ବିତ ରାତିରେ ଘରେ ଶୋଇଥିବା ଚାରି ବର୍ଷର ଝିଅକୁ ପାଦରେ ଦଳି ହାତୀ ମାରି ଦେଇଥିବା ଦେଖିବାକୁ ମିଳିଛି ।
ସୂଚନାଯୋଗ୍ୟ ଯେ, କିଛି ଦିନ ତଳର ପୋଟାଶ୍ ବୋମା ଦ୍ୱାରା ଆହତ ହାତୀ ଛୁଆ ବୁଧବାର ବିଳମ୍ବିତ ରାତିରେ ଅମ୍ବାହାରା ଗ୍ରାମ କମାର ବସ୍ତିକୁ ପଶିଆସିଥିଲେ । ଏହି ସମୟରେ ଘରେ ଶୋଇଥିବା ୪ ବର୍ଷର ଝିଅ ରାଧା କମାରଙ୍କୁ ହାତୀ ଶୁଣ୍ଢରେ କଚାଡି ପାଦରେ ଦଳି ଦେଇଛି । ସକାଳ ହେବା ମାତ୍ରେ ଗ୍ରାମବାସୀ ଘଟଣା ସମ୍ପର୍କରେ ବନ ବିଭାଗକୁ ସୂଚନା ଦେଇଥିଲେ ।
ଘଟଣାସ୍ଥଳରେ ବନ ବିଭାଗ ଟିମ୍ ପହଞ୍ଚି ପରିବାର ସଦସ୍ୟଙ୍କ ସମ୍ମୁଖରେ ପଞ୍ଚନାମା କରି ଅଧିକ ତଦନ୍ତ ଆରମ୍ଭ କରିଛି । ଉଦନ୍ତୀ ସାଇଟାନାଡି ଟାଇଗର ରିଜର୍ଭର ଡିଏଫଓ ବରୁଣ ଜେନା ତୁରନ୍ତ ସହାୟତା ପାଇଁ ୨୫ ହଜାର ଟଙ୍କା ଝିଅର ପରିବାରକୁ ଦେଇଛନ୍ତି । ରିସଗାଓଁ ଜଙ୍ଗଲ ଅଞ୍ଚଳ ତଥା ଅନ୍ୟ ଗ୍ରାମବାସୀଙ୍କୁ ସତର୍କ ରହିବାକୁ ଡାକବାଜି ଯନ୍ତ୍ର ଦ୍ଵାରା ହାତୀ ଠାରୁ ଦୂରରେ ରହିବାକୁ ଏବଂ ହାତୀ ନିକଟକୁ ନ ଆସିବାକୁ ନିବେଦନ କରାଯାଇଛି ।
You Can Read:
କାର୍ରେ ଆସୁଥିଲେ ୪ ବ୍ୟବସାୟୀ, ଗୁଳିମାଡ଼ କଲେ ଦୁର୍ବୃତ୍ତ
