୧୪୫ ଜଣ ବେଲୁଚି ବିଦ୍ରୋହୀଙ୍କୁ ମାରିଥିବା ଦାବି କରୁଛି ଇସଲାମାବାଦ, କିନ୍ତୁ ରକ୍ତ, ମୃତଦେହ କି ଯୁଦ୍ଧର ଚିହ୍ନ ଟିକିଏ କେଉଁଠି ନାହିଁ

ନୂଆଦିଲ୍ଲୀ: କୂଟନୀତିରେ ଫେଲ୍। ନିଜ ଲୋକଙ୍କୁ ରକ୍ଷା କରିବାକୁ ବିଫଳ ପାକିସ୍ତାନ। ଏବେ କ୍ରୋଧରେ ଜର୍ଜରିତ ଇସଲାମବାଦ। ଭାରତ ଉପରେ ଦୋଷ ଲଦୁଛି। ଆତଙ୍କର କାରଖାନା ତିଆରି କରି ଏବେ ନିଜେ ବିପଦରେ ପଡ଼ିଛି। ମୁନିର ସେନାଙ୍କ ପାଇଁ କାଳ ସାଜିଛନ୍ତି ବଲୁଚ ଆର୍ମି।ପାକିସ୍ତାନରେ ଏବେ ଭୟଙ୍କର ଆତଙ୍କୀ ହମଲା। ଏଥିରେ ୩୩ ଜଣ ପାକିସ୍ତାନୀ ନାଗରିକଙ୍କର ମୃତ୍ୟୁ ହୋଇଛି। ୧୦ରୁ ଅଧିକ ପାକିସ୍ତାନ ସୁରକ୍ଷାକର୍ମୀଙ୍କ ଜୀବନ ଯାଇଛି। ପାକିସ୍ତାନ ନିଜର ଏହି କଳୁଷିତ ଛବି ଲୁଚାଇବା ପାଇଁ ଭାରତ ଉପରେ ଦୋଷ ଲଦିବାର ପୁରୁଣା ଧାରା ଜାରି ରଖିଛି। କିନ୍ତୁ ଗୋଟିଏ ବି ପ୍ରମାଣ ଦେଇପାରୁନି ଶେହବାଜ ସରକାର।

ଅଶାନ୍ତ ଦକ୍ଷିଣ-ପଶ୍ଚିମ ପ୍ରଦେଶ ବେଲୁଚିସ୍ତାନରେ ଦୀର୍ଘ ୪୦ ଘଣ୍ଟା ଧରିଆତଙ୍କବାଦ ବିରୋଧୀ ଅଭିଯାନ କରି ୧୦୦ ଆତଙ୍କବାଦୀଙ୍କୁ ସଫା କରାଯାଇଛି ବୋଲି ରବିବାର ପାକିସ୍ତାନ ସରକାର ସୂଚନା ଦେଇଛନ୍ତି। ବଡ଼କଥା ହେଲା ଏହିସବୁ ଆତଙ୍କବାଦୀଙ୍କୁ ପାକିସ୍ତାନ ଭାରତ ସମର୍ଥିତ ଆତଙ୍କବାଦୀ ବୋଲି କହିଛି।ଜାନୁଆରୀ ୩୧।

ବଲୁଚିସ୍ତାନର ପାଞ୍ଚ ଜଣ ମହିଳା ଏବଂ ତିନି ଜଣ ଶିଶୁ ସମେତ ୧୮ ଜଣ ସାଧାରଣ ନାଗରିକ ଏବଂ ୧୫ ଜଣ ସୁରକ୍ଷା କର୍ମୀଙ୍କ ମୃତ୍ୟୁ ହୋଇଥିଲା ବୋଲି ପାକିସ୍ତାନ କର୍ତ୍ତୃପକ୍ଷ କହିଛନ୍ତି। ବଲୁଚିସ୍ତାନ ରାଜ୍ୟର ମୁଖ୍ୟମନ୍ତ୍ରୀ ସରଫରାଜ ବୁଗତି କ୍ୱେଟାରେ ସାମ୍ବାଦିକମାନଙ୍କୁ କହିଛନ୍ତି ଯେ ସୈନ୍ୟ ଏବଂ ପୋଲିସ ଅଧିକାରୀମାନେ ତୁରନ୍ତ କାର୍ଯ୍ୟାନୁଷ୍ଠାନ କରି "ଫିତନା ଅଲ-ହିନ୍ଦୁସ୍ତାନ"ର ୧୪୫ ଜଣ ସଦସ୍ୟଙ୍କୁ ହତ୍ୟା କରିଛନ୍ତି।

ପାକିସ୍ତାନ ବଲୁଚିସ୍ତାନ ଲିବରେସନ ଆର୍ମି ବିରୁଦ୍ଧରେ ଏହି ନାଁ ବ୍ୟବହାର କରୁଛି। ବିଏଲ୍ଏକୁ ଭାରତ ସମର୍ଥନ କରୁଛି ବୋଲି ପାକିସ୍ତାନ ଅଭିଯୋଗ କରି ଆସୁଛି। ଗତ ଦୁଇ ଦିନ ମଧ୍ୟରେ ଯେତିକି ଆତଙ୍କବାଦୀ ହତ୍ୟା କରାଯାଇଛି, ଗତ ଦଶନ୍ଧୀ ମଧ୍ୟରେ ସେତେମାତ୍ରାରେ ହତ୍ୟା କରାଯାଇ ନାହିଁ ବୋଲି ପାକିସ୍ତାନ କହିଛି।

ସରଫରାଜ ବୁଗତି କହିଛନ୍ତି ଯେ ୧୪୫ ଆତଙ୍କବାଦୀଙ୍କ ମରଶରୀର ଆମ ହେପାଜତରେ ରହିଛି। ସେମାନଙ୍କ ମଧ୍ୟରେ କିଛି ଆଫଗାନିସ୍ତାନ ନାଗରିକ ଅଛନ୍ତି। ବଗତୀ କହିଛନ୍ତି "ଭାରତ-ସମର୍ଥିତ ଆତଙ୍କବାଦୀମାନେ" ଲୋକମାନଙ୍କୁ ବନ୍ଧକ ରଖିବାକୁ ଚାହୁଁଥିଲେ କିନ୍ତୁ ସହର ସେଣ୍ଟରରେ ପହଞ୍ଚି ପାରିଲେ ନାହିଁ।

ବୁଗତି ବାରମ୍ବାର ଭାରତ ଏବଂ ଆଫଗାନିସ୍ତାନ ସମ୍ପର୍କ କଥା ଦୋହରାଇଛନ୍ତି। ବରିଷ୍ଠ BLA ନେତାମାନେ ଆଫଗାନିସ୍ତାନ ଅଞ୍ଚଳରୁ କାର୍ଯ୍ୟ କରୁଛନ୍ତି। ନୂଆଦିଲ୍ଲୀ ଏବଂ କାବୁଲ ଉଭୟ ଏହି ଦାବିକୁ ଅସ୍ୱୀକାର କରୁଛନ୍ତି।

ସେ କହିଛନ୍ତି ଯେ ଆଫଗାନିସ୍ତାନର ତାଲିବାନ ୨୦୨୦ ଦୋହା ଚୁକ୍ତି ଅନୁଯାୟୀ ଅନ୍ୟ ଦେଶ ଉପରେ ଆକ୍ରମଣ ପାଇଁ ଆଫଗାନିସ୍ତାନ ମାଟି ବ୍ୟବହାର କରିବାକୁ ଅନୁମତି ନଦେବା ପାଇଁ ପ୍ରତିଶ୍ରୁତି ଦେଇଥିଲା, କିନ୍ତୁ "ଦୁର୍ଭାଗ୍ୟବଶତଃ, ଆଫଗାନିସ୍ତାନ ମାଟି ଏବେ ବି ପାକିସ୍ତାନ ବିରୁଦ୍ଧରେ ବ୍ୟବହାର ହେଉଛି।"

ବଲୁଚିସ୍ତାନରେ ଦୀର୍ଘ ଦିନ ଧରି ବିଚ୍ଛିନ୍ନତାବାଦୀ ଆନ୍ଦୋଳନ ଚାଲିଛି। BLA ପାକିସ୍ତାନୀ ସୁରକ୍ଷା ବାହିନୀ, ଚୀନ୍ ପ୍ରକଳ୍ପ ଏବଂ ସାଧାରଣ ନାଗରିକଙ୍କ ଉପରେ ଆକ୍ରମଣ କରିଆସୁଛି। ଆମେରିକା BLAକୁ ଏକ ବିଦେଶୀ ଆତଙ୍କବାଦୀ ସଂଗଠନ ଭାବରେ ଘୋଷଣା କରିଛି। ଖଣିଜ ଏବଂ ଖଣି ପାଇଁ ଏହି ଅଞ୍ଚଳରେ ବିଦେଶୀ ନିବେଶ ହେଉଛି, କିନ୍ତୁ ହିଂସା ବଢ଼ୁଥିବା ଚ୍ୟାଲେଞ୍ଜ ସୃଷ୍ଟି କରୁଛି। ପାକିସ୍ତାନ କହିଛି ଯେ ଅପରେସନ୍ ଜାରି ରହିଛି ଏବଂ ଆତଙ୍କବାଦ ବିରୋଧରେ ଲଢ଼େଇକୁ ତୀବ୍ର କରାଯିବ। ଏହି ଅଭିଯୋଗଗୁଡ଼ିକୁ ଭିତ୍ତିହୀନ ବୋଲି ଖାରଜ କରିଛି ଭାରତ।