ଖଲ୍ଲିକୋଟ ୨୯/୧୧: ଗଞ୍ଜାମ ଖଲ୍ଲିକୋଟରେ ବିପୁଳ ପରିମାଣର ରୁପା ଜବତ ହୋଇଛି । ଜିଏସ୍ଟି ଫାଙ୍କି ଅଭିଯୋଗରେ ବ୍ରହ୍ମପୁରରୁ କୋଲକାତାକୁ ଚାଲାଣ ବେଳେ ଧରିଲା ଖଲ୍ଲିକୋଟ ପୋଲିସ । ଗୋଟିଏ କାରରୁ ୭୩ ଟି ରୂପା ଇଟା ସହିତ ନଗଦ ପାଞ୍ଚ ଲକ୍ଷ ୪୨ ହଜାର ୬୦୦ଟଙ୍କା ଜବତ ହୋଇଛି ।
ସୂଚନା ଥାଉକି ଜିଏସ୍ଟି ଫାଙ୍କି ଅଭିଯୋଗରେ ବ୍ରହ୍ମପୁରରୁ କୋଲକାତାକୁ ଚାଲାଣ ହେଉଥିଲା ପୁଳା ପୁଳା ରୁପା ଇଟା । ଏହି ସମୟରେ ପୂର୍ବରୁ ସୂଚନା ପାଇ ଜଗି ରହିଥିଲା ପୋଲିସ । ୧୬ ନମ୍ବର ଜାତୀୟ ରାଜପଥ ଗୁରୁପଲ୍ଲି ଟୋଲ ଗେଟ୍ ନିକଟରେ ଯାଞ୍ଚବେଳେ ଏକ କାରରୁ ମିଳିଥିଲା ବିପୁଳ ପରିମାଣର ରୁପା ଇଟା ।
ରୂପା ଇଟାର ମୂଲ୍ୟ ୭୫ ଲକ୍ଷ ଟଙ୍କା ହେବ ବୋଲି ଜଣାପଡିଛି । ଚଢାଉ କରିଥିଲା ବେଳେ ଧରିଲା ଖଲ୍ଲିକୋଟ ପୋଲିସ । ଖଲ୍ଲିକୋଟ ପୋଲିସ ଚଢ଼ାଉ କରି କାର, ରୁପା ଟଙ୍କା ଜବତ ସହ ୨ଜଣଙ୍କୁ ଅଟକ ରଖିଛି । ତେବେ ଏହା କେଉଁଠୁ ଆସିଲା ତାହା ଏବେ ଯାଏଁ ସ୍ପଷ୍ଟ ହୋଇନାହିଁ ।
