ପଟ୍ଟାମୁଣ୍ଡାଇ ୨୧/୧୨: ଚାଷଜମିରୁ ଉଦ୍ଧାର ହୋଇଛି ବିରାଟ ଅଜଗର । ମୁଣ୍ଡରେ ଲାଗିଛି ଆଘାତ । ଲୁହା ପିଞ୍ଜରାରେ ରଖି ଚାଲିଛି ଚିକିତ୍ସା । କେନ୍ଦ୍ରାପଡା ଜିଲ୍ଲା ରାଜନଗର ରଗଡାପାଟିଆ ଫରେଷ୍ଟ ବ୍ଲକ ସ୍ଥିତ ନାରାୟଣପୁର ଗାଁ ବାଇଶିଘେରି ନିକଟ ଚାଷ ଜମିରେ ବୁଲୁଥିଲା ପ୍ରାୟ ୧୯ ଫୁଟର ବିଶାଳ ଅଜଗର । ସ୍ଥାନୀୟ ଲୋକେ ପ୍ରଥମେ ଦେଖି ଭୟଭୀତ ହୋଇଯାଇଥିଲେ ।
ଖବର ପାଇ ରାଜନଗର ବନବିଭାଗ ପହଞ୍ଚି ଅଜଗରକୁ ଉଦ୍ଧାର କରିଛନ୍ତି । ଅଜଗରର ମୁଣ୍ଡରେ ସାମାନ୍ୟ ଆଘାତ ଲାଗିଛି । ଭିଜରକନିକା ଜାତୀୟ ଉଦ୍ୟାନରେ ଏକ ଲୁହା ପିଞ୍ଜରାରେ ସାପକୁ ରଖାଯାଇ ଚିକିତ୍ସା କରାଯାଉଛି । ସୁସ୍ଥ ହେବା ପରେ ଅଜଗରକୁ ମୁକ୍ତ କରାଯିବ ବୋଲି କହିଛନ୍ତି ବନ ଅଧିକାରୀ ସୁଦର୍ଶନ ଗୋପୀଚାନ୍ଦ ଯାଦବ । ସେପଟେ ସାପକୁ ଦେଖିବାକୁ ଲୋକଙ୍କ ଭିଡ ଲାଗୁଛି ।
