କଣ୍ଟାବାଞ୍ଜି ୧୮/୭: ଜୀବନଟା ପାଣି ଫୋଟକା ପରି । କେତେବେଳେ ଯେ କାହାର ପାଳି ପଡିବ କହି ହେବନି । ରାତିରେ ପରିବାର ଲୋକଙ୍କ ସହ ହସଖୁସି କରି ଶୋଇଥିଲେ । ସକାଳେ ପୋଖରୀରେ ଗାଧୋଇ ଘରକୁ ଫେରୁଥିବାବେଳେ ରାସ୍ତାରେ ପଡି ଜୀବନ ଚାଲିଯାଇଛି । ଏଭଳି ଦୁଃଖଦ ଘଟଣା ଘଟିଛି ବଲାଙ୍ଗୀର କଣ୍ଟାବାଞ୍ଜି ଥାନା କୁକୁଡାହାଡ ଗାଁରେ । ମୃତକ ଗୋବିନ୍ଦ କୁଅର ।
ସକାଳୁ ଚାଷ ଜମିକୁ କାମ କରିବାକୁ ଯାଇଥିଲେ । ସେଠାରୁ ଗାଧୋଇବାକୁ ଗାଁ ପୋଖରୀକୁ ଯାଇଥିଲେ । ଫେରିବା ବେଳେ ଘରେ ପହଞ୍ଚିବାକୁ ଆଉ ୫୦ ମିଟର ଅଛି, ହଠାତ ରାସ୍ତାରେ ପଡିଯାଇଥିଲେ ଗୋବିନ୍ଦ । ସ୍ଥାନୀୟ ଲୋକେ ତାଙ୍କୁ ତୁରନ୍ତ ମେଡିକାଲରେ ଭର୍ତ୍ତି କରିଥିଲେ । ସେଠାରେ ଡାକ୍ତର ମୃତ ଘୋଷଣା କରିଛନ୍ତି । ହଠାତ ପୁଅର ଏମିତି ମୃତ୍ୟୁ ଖବରକୁ ସହଜରେ ଗ୍ରହଣ କରିପାରୁନାହାନ୍ତି ପରିବାର ଲୋକ । ମୃତଦେହ ପୋଷ୍ଟମର୍ଟମ ପାଇଁ ପଠାଇବା ସହ ତଦନ୍ତ କରୁଛି ପୋଲିସ ।
