କରଞ୍ଜିଆ ୩୦/୧୨: ଶିକାରୀଙ୍କୁ ଟ୍ରାପ କରି ଧରିଲା AI କ୍ୟାମେରା । ଜଣେ କି ୨ ଜଣ ନୁହେଁ ଏକାଥରକେ ୧୩ ଶିକାରୀ ଧରାପଡିଛନ୍ତି । ଗତ ୨୪ ତାରିଖ ରାତିରେ ଶିକାର ପାଇଁ ୧୩ ଜଣ ଶିକାରୀ ଶିମିଳିପାଳରେ ପ୍ରବେଶ କରିଥିଲେ । ସେମାନେ ରେଞ୍ଜର କୋର୍‌ ଅଞ୍ଚଳରେ ଶିକାର ପାଇଁ ଯାଇଥିବାବେଳେ AI କ୍ୟାମେରା ଟ୍ରାପ କରିଥିଲା । 

ଗିରଫ ସମସ୍ତ ଅଭିଯୁକ୍ତ କରଞ୍ଜିଆ ଥାନା ଅଞ୍ଚଳର ରାମଯୋଡି,ଅଁଳାକଣ୍ଟା,ରାଣୀଭୋଳ ଓ ଦୁଧିଆଣି ଗାଁର । ସେମାନଙ୍କ ନିକଟରୁ ୧୩ଟି ଧନୁ,୩୩ଟି ତୀର ଓ ଗୋଟିଏ ଦେଶୀ ବନ୍ଧୁକ ଜବତ କରିଛି ବନ ବିଭାଗ । ସମସ୍ତଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଛି ।