ମୁମ୍ଵାଇ ୧୩।୧୧; ବଲିଉଡ ଇଣ୍ଡଷ୍ଟ୍ରିରେ ଅନେକ ତାରକା ଅଛନ୍ତି । ଯେଉଁମାନେ ପ୍ରୋଫେସନାଲ ଅପେକ୍ଷା ପର୍ସନାଲ ଲାଇଫକୁ ନେଇ ଚର୍ଚ୍ଚାରେ ଅଛନ୍ତି। ଏହି ତାଲିକାରେ ଅମିଶା ପଟେଲ ମଧ୍ୟ ସାମିଲ। ବର୍ତ୍ତମାନ ଅଭିନେତ୍ରୀ ଡେଟିଂ ପାଇଁ ଲାଇମ୍ ଲାଇଟକୁ ଆସିଛନ୍ତି। ଶୁଣିବାକୁ ମିଳୁଛି କି ଅମିଶା ସିକ୍ରେଟଲି ଜଣେ କୋଟିପତି ବ୍ୟବସାୟୀଙ୍କୁ ଡେଟ କରୁଛନ୍ତି । ସେମାନଙ୍କ ଫଟୋ ଏବେ ଭାଇରାଲ ହେବାରେ ଲାଗିଛି। ଅମିଶା ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି। ଯେଉଁଥିରେ ସେ ବ୍ୟବସାୟୀ ନିର୍ବାଣ ବିର୍ଲାଙ୍କ ସହ ନଜର ଆସିଛନ୍ତି। ଫଟୋ ଭାଇରାଲ ହେବା ମାତ୍ରେ ପ୍ରଶଂସକମାନେ ଅନୁମାନ କରୁଛନ୍ତି ଯେ ଅଭିନେତ୍ରୀଙ୍କ ଜୀବନରେ ନୂଆ ପ୍ରେମ ପ୍ରବେଶ କରିଛି।
ଅମିଶା ପଟେଲ ତାଙ୍କ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି। ଯେଉଁଥିରେ ସେ କୋଟିପତି ବ୍ୟବସାୟୀ ନିର୍ବାଣ ବିର୍ଲାଙ୍କ ସହ ପୋଜ୍ କରୁଥିବାର ଦେଖିବାକୁ ମିଳିଛି। ଫଟୋରେ ଅଭିନେତ୍ରୀଙ୍କୁ ବହୁତ କ୍ଲୋଜ୍ ଦେଖାଯିବା ପରେ ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି । ଏହି ଫଟୋ ସେୟାର୍ କରିବାବେଳେ, ଅମିଷା ଏହାର କ୍ୟାପସନ୍ ଦେଇଛନ୍ତି, 'ଦୁବାଇ .. ମୋର ପ୍ରିୟ ବନ୍ଧୁ @nirvaanbirla ସହିତ ସାନଦାର ସନ୍ଧ୍ୟା '
ୟୁଜର୍ସମାନେ ଦେଉଛନ୍ତି ପ୍ରତିକ୍ରିୟା
ଅମିଶା ପଟେଲଙ୍କ ଏହି ଫଟୋ ସୋସିଆଲ ମିଡିଆରେ ପୋଷ୍ଟ ହେବା ମାତ୍ରେ ଭାଇରାଲ ହେବାରେ ଲାଗିଲା। ଯାହା ତାଙ୍କର ଏବଂ ନିର୍ବାଣଙ୍କ ଡେଟିଂ ଖବରକୁ ଚର୍ଚ୍ଚାକୁ ଆଣିଛି। କିଛି ୟୁଜର୍ସ ସେମାନଙ୍କୁ 'କପଲ' ବୋଲି କହିବା ଆରମ୍ଭ କରିଛନ୍ତି । ଅଭିନେତ୍ରୀଙ୍କ ପୋଷ୍ଟରେ ଜଣେ ୟୁଜର୍ସ ଲେଖିଛନ୍ତି, 'ସୁନ୍ଦର ଦମ୍ପତି।' ଅନ୍ୟ ଜଣେ ଲେଖିଛନ୍ତି, 'ତୁମେ ପ୍ରକୃତରେ ବହୁତ ସୁନ୍ଦର ଏବଂ ସୁନ୍ଦର କପଲ।'
ନିର୍ବାଣ ବିର୍ଲା କିଏ?
ଅମିଶା ପଟେଲଙ୍କ ଏହି ପୋଷ୍ଟରେ ୟୁଜର୍ସମାନେ ଅନେକ ପ୍ରତିକ୍ରିୟା ଦେଉଛନ୍ତି। ଆମିଶାଙ୍କ ଠାରୁ ପ୍ରାୟ ୯ ବର୍ଷ ସାନ ନିର୍ବାଣ। ଯଶୋବର୍ଦ୍ଧନ ବିର୍ଲା ଏବଂ ଅବନ୍ତୀ ବିର୍ଲାଙ୍କ ପୁଅ। ବ୍ୟବସାୟ ତଥା ଗାୟକ ହେବା ବ୍ୟତୀତ ସେ ବିର୍ଲା ଓପନ୍ ମାଇଣ୍ଡସ୍ ଏବଂ ବିର୍ଲା ବ୍ରେନିଆକ୍ସର ପ୍ରତିଷ୍ଠାତା ଅଟନ୍ତି।
