ନୂଆଦିଲ୍ଲୀ ୩୦/୧୨: ଯାଉଛି ୨୦୨୪ । ଆସୁଛି ୨୦୨୫ । ନୂଆବର୍ଷର ସ୍ବାଗତ ପାଇଁ ପ୍ରସ୍ତୁତିରେ ବ୍ୟସ୍ତ ପୁରା ବିଶ୍ବ । ସମସ୍ତଙ୍କ ମନରେ ଗୋଟିଏ କଥା,  ଆସୁଥିବା ନୂଆ ସକାଳ ଆମ ପାଇଁ କଣ ଆଣିବ । ଏଥିପାଇଁ ଯେତେବେଳେ କିଛି ଭବିଷ୍ୟବାଣୀର କଥା ଆସେ ସମସ୍ତଙ୍କ ମନରେ ଉତ୍କଣ୍ଠା ବଢିବା ସହ  ଶଙ୍କା ବି ରହେ । ଆମେ କହୁଛୁ ସେହି ମହିଳାଙ୍କ କଥା ଯିଏ ନିଜେ ଦେଖିପାରୁନଥିଲେ କିନ୍ତୁ ପୁରା ବିଶ୍ବକୁ ନେଇ ଆଶ୍ଚର୍ଯ୍ୟଜନକ ଭବିଷ୍ୟବାଣୀ କରୁଥିଲେ । ଏବେ ୨୦୨୫ ପାଇଁ ଭବିଷ୍ୟବାଣୀ କରି ପୁଣି ଖବରର ହେଡଲାଇନରେ ବୁଲଗେରିଆର ପ୍ରସିଦ୍ଧ ମହିଳା ଭବିଷ୍ୟବକ୍ତା ବାବା ଭେଙ୍ଗା । ସେ କରିଥିବା ଭବିଷ୍ୟବାଣୀ କିଛି ଡରାଇଲା ପରି ଆଉ କିଛି ଆଶ୍ବସ୍ତିକର । ଯାହା ଅନ୍ତର୍ଜାତୀୟ ଗଣମାଧ୍ୟମରେ ପ୍ରକାଶ ପାଇଛି । କଣ କହୁଛି ବାବା ଭେଙ୍ଗାଙ୍କ ଭବିଷ୍ୟବାଣୀ…

୨୦୨୫ରେ ବିନାଶ ଆରମ୍ଭ

୨୦୨୫ରେ ଆରମ୍ଭ ହୋଇପାରେ ସର୍ବନାଶ । ୟୁରୋପକୁ ଏକ ଗମ୍ଭୀର ଜନସଖ୍ୟା ସଂକଟର ସାମ୍ନା କରିବାକୁ ପଡିବ । ସିରିଆ ଯୁଦ୍ଧରୁ ହୋଇପାରେ ତୃତୀୟ ବିଶ୍ବଯୁଦ୍ଧ । ୟୁରୋପରେ ବଢିପାରେ ରାଜନୈତିକ ଅସ୍ଥିରତା । ରୁଷ-ୟୁକ୍ରେନ ଯୁଦ୍ଧ ଏହି ନିଆଁରେ ଘିଅର ଢାଳିବ । କେବଳ ଏତିକି ନୁହେଁ ବାବା ଭେଙ୍ଗା ଏହି ଚେତାବନୀ ବି ଦେଇଛନ୍ତି କି ଆସନ୍ତାବର୍ଷ ଜଳବାୟୁ ପରିବର୍ତ୍ତନର ପ୍ରଭାବ ଅଧିକ ଭୟାବହ ହେବ । ପୁରା ବିଶ୍ବରେ ପ୍ରାକୃତିକ ବିପର୍ଯ୍ୟୟ ଯେମିତି ଭୂମିକଂପ,ବାତ୍ୟା ବଢିବ । ୨୦୪୩ ସୁଦ୍ଧା ୟୁରୋପ ମୁସଲମାନ ଶାସନ ଅଧୀନରେ ରହିବ । ୫୦୭୯ରେ ଶେଷ ହୋଇଯିବ ବ୍ରହ୍ମାଣ୍ଡ । 

ବିପଦ ଆଣିବ ଏଲିଅନ

କେବଳ ଯୁଦ୍ଧ ନୁହେଁ ବାବା ଭେଙ୍ଗା ଏହା ଦାବି କରିଛନ୍ତି ଯେ ୨୦୨୫ରେ ଏଲିଅନର ସାମ୍ନା କରିବ ମଣିଷ । ଟିକେ ଭାବିରେ ଆମେ ଟିଭିରେ ଏଲିଅନ ଦେଖିଛୁ ଯଦି ବାବା ଭେଙ୍ଗାଙ୍କ ୟେ କଥା ସତ ହୋଇଯିବ ଆମେ କଣ ମୁକାବିଲା ପାଇଁ ପ୍ରସ୍ତୁତ ଅଛୁ । ବୋଧେ ନୁହେଁ । 

କ୍ୟାନସରକୁ ନେଇ ଖୁସି ଖବର 

ଅନ୍ଧାର ରାତି ପରେ ଆସିଥାଏ ଆଲୋକର ସକାଳ । ଡରାଇଲା ପରି ଭବିଷ୍ୟବାଣୀ ସହ ଗୋଟିଏ ଆଶ୍ବସ୍ତିକର ଖବର ଦେଇଛନ୍ତି ବାବା ଭେଙ୍ଗା । ସେ କହିଥିଲେ ମାରାତ୍ମକ କ୍ୟାନସରର ଚିକିତ୍ସା ୨୦୨୫ରେ ସମ୍ଭବ ହୋଇପାରିବ । ଆଉ ଏହାର ଏକ ଉଦାହରଣ ହେଉଛି ରୁଷ । କିଛି ଦିନ ତଳେ କ୍ୟାନସରର ରୋଗର ଭାକସିନ ଆଣିଥିବା ନେଇ ଦାବି କରିଥିଲା ରୁଷ । ଯାହା କ୍ୟାନସରର ଟ୍ୟୁମରକୁ ରୋକି ପାରିବ । ୟେ କ୍ୟାନସର ରୋଗୀଙ୍କ ପାଇଁ ଗୁଡନ୍ୟୁଜ ନିଶ୍ଚୟ । 

ସତ ହୋଇଥିବା ଭବିଷ୍ୟବାଣୀ

ବାବା ଭେଙ୍ଗା 9/11 ଆକ୍ରମଣ, ସୋଭିଏତ ସଂଘ ଭାଙ୍ଗିବା, ଏଥିସହ ରାଜକୁମାରୀ ଡାଏନାଙ୍କ ଦୁଃଖଦ ମୃତ୍ୟୁ ପରି ଅନେକ ଘଟଣାର ସଠିକ ଭବିଷ୍ୟବାଣୀ କରିଥିଲେ । ଏମିତିକି ନିଜ ମୃତ୍ୟୁ ବିଷୟରେ ପୂର୍ବାନୁମାନ କରିଥିଲେ ନିଜେ ଦେଖିପାରୁନଥିବା ବାବା ଭେଙ୍ଗା । ତାଙ୍କ ଭବିଷ୍ୟବାଣୀ ଉପରେ ଅନେକ ଥର ଚର୍ଚ୍ଚା ହୋଇଛି ବିବାଦ ଘେରକୁ ବି ଆସିଛି । ତାଙ୍କ ଭବିଷ୍ୟବାଣୀ ପୁରା ଦୁନିଆକୁ ଚମ୍‌କାଇଦିଏ । 

କିଏ ଥିଲେ ବାବା ଭେଙ୍ଗା ?   

ବାବା ଭେଙ୍ଗାଙ୍କ ପ୍ରକୃତ ନାମ ବାଙ୍ଗେଲିଆ ପାଣ୍ଡେବା ଗୁଷ୍ଟେରବା । ୧୯୧୧ରେ ବୁଲଗେରିଆର ଏକ ଛୋଟ ଗାଁରେ ତାଙ୍କର ଜନ୍ମ । ମାତ୍ର ୧୨ ବର୍ଷ ବୟସରେ ଏକ ଭୟଙ୍କର ତୋଫାନରେ ଫସିବା ପରେ ରହସ୍ୟଜନକ ଭାବରେ ସେ ଦୃଷ୍ଟି ଶକ୍ତି ହରାଇ ବସିଥିଲେ । ଏହା ପରେ ଘଟିଲା ଚମତ୍କାର । ବାବା ଭେଙ୍ଗାଙ୍କୁ ମିଳିଲା ଭବିଷ୍ୟତ ଦେଖିବାର ଅଦ୍ଭୁତ ଶକ୍ତି । ଏହା ପରେ ସେ ଭବିଷ୍ୟବାଣୀ କରି ଚର୍ଚ୍ଚାକୁ ଆସିଥିଲେ । ୧୯୯୬ରେ ୮୬ ବର୍ଷ ବୟସରେ ବିଶ୍ବରୁ ବିଦାୟ ନେଇଥିଲେ । 

୨୦୨୫ ପାଇଁ ବାବା ଭେଙ୍ଗାଙ୍କ ଭବିଷ୍ୟବାଣୀ ଡରାଇବା ସହ କିଛି ଆଶ୍ବସ୍ତି ବି ଆଣିଛି । ହେଲେ ଏହି କଥା  ବି ସତ ବାବା ଭେଙ୍ଗାଙ୍କ ସବୁ ଭବିଷ୍ୟବାଣୀ ଶହେ ପ୍ରତିଶତ ସତ ହୋଇନଥାଏ । ଅନେକ ଭବିଷ୍ୟବାଣୀ ତାଙ୍କର ଅସ୍ପଷ୍ଟ ରହିଛି । ୨୦୨୫ରେ କଣ ହେବ ୟେ ତ ସମୟ କହିବ । ହେଲେ ବାବା ଭେଙ୍ଗାଙ୍କ ଭବିଷ୍ୟବାଣୀ ଆମକୁ ଭାବିବା, ଆସନ୍ତାକାଲି ପାଇଁ ପ୍ରସ୍ତୁତ ରହିବା ଓ ମଣିଷ ସମାଜର ଭବିଷ୍ୟତ ପାଇଁ ଉଚିତ ନିର୍ଣ୍ଣୟ ନେବା ପାଇଁ ଅବସର ନିଶ୍ଚୟ ଦେବ । ଆମେ ଏହି ଭବିଷ୍ୟବାଣୀକୁ ଚେତାବନୀ ରୂପରେ ଦେଖିବା ଉଚିତ ଆଉ ସମସ୍ତେ ମିଳିମିଶି ଏକ ଉତ୍ତମ ଭବିଷ୍ୟତ ତିଆରି କରିବା ପାଇଁ ଆଗଭର ହେବା ଦରକାର ।