ମୁମ୍ବାଇ ୧୬।୦୪ : ବର୍ଡର-ଗାଭାସ୍କର ସିରିଜ୍ ଇଫେକ୍ଟ । ସିନିୟର ଭାରତୀୟ କ୍ରିକେଟ୍ରେ ହୋଇପାରେ ଅଦଳବଦଳ । ଏମିତିକି ନୂଆ ମୁହଁକୁ ମଧ୍ୟ ସାମିଲ କରାଯାଇପାରେ । ଦଳରେ ପୂର୍ବରୁ କୋଚ୍, ବୋଲିଂ କୋଚ, ଫିଲ୍ଡିଂ କୋଚ୍, ଆସିସାଣ୍ଟ କୋଚ୍ ଥିବା ବେଳେ ଆଗକୁ ବ୍ୟାଟିଂ କୋଚ୍ଙ୍କୁ ସାମିଲ କରାଯାଇପାରେ । ଏନେଇ ବିସିସିଆଇ ସୁତ୍ରରୁ ଖବର ପ୍ରକାଶ ପାଇଛି ।
ଜାତୀୟ ଗଣମାଧ୍ୟମରେ ହେଉଥିବା ଚର୍ଚ୍ଚା ଅନୁସାରେ, ନିକଟରେ ମୁମ୍ବାଇରେ ବସିଥିବା ରିଭ୍ୟୁ ବୈଠକରେ ବିଭିନ୍ନ ପ୍ରସଙ୍ଗ ଉପରେ ଆଲୋଚନା ହୋଇଥିଲା । ଏପିରିକି ଟିମ୍ର ବିଦେଶୀ ଗସ୍ତ ସମୟରେ ଖେଳାଳିଙ୍କ ସାଥୀରେ କିଏ ରହିବ, କିଏ ରହିବ ନାହିଁ, ସିରିଜ୍ ପରାଜୟ ହେଲେ କଟିବ ଫି ଆଦି ଅନେକ ରହିଥିଲା । ଏବେ ଆଉ ଏକ କଥା ସାମ୍ନାକୁ ଆସିଛି । ଯେଉଁଥିରେ ଭାରତ୍ରୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ ଆଗାମୀ ଦିନରେ ଦଳରେ ବ୍ୟାଟିଂ କୋଚ୍ ସାମିଲ କରିବାକୁ ଯୋଜନା କରୁଛି । ତେବେ ଏହି ବ୍ୟାଟିଂ କୋଚ୍ ବିଦେଶୀ ନା ଦେଶୀ ଖେଳାଳି ହେବ । ସେନେଇ କୌଣସି ସ୍ପଷ୍ଟ ସୂଚନା ମିଳିନାହିଁ ।
୨୦୨୪ ଟି-୨୦ ବିଶ୍ୱକପ୍ ପରେ ବ୍ୟାଟିଂ କୋଚ୍ ବିକ୍ରମ ରାଠୋରଙ୍କ କାର୍ଯ୍ୟକାଳ ସରିଥିଲା । ତାପର ଠାରୁ ଏହି ସ୍ଥାନଟି ଖାଲି ପଡିଛି । ନିକଟରେ ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ସିରିଜ୍ ଏବଂ ବର୍ଡର-ଗାଭାସ୍କର ସିରିଜ୍ରେ ଦଳ ଶୋଚନୀୟ ପରାଜୟର ସାମ୍ନା କରିଥିଲା । ଯେଉଁଥିରେ ଟିମ୍ର ବ୍ୟାଟିଂ ଲାଇନ୍ଅପ୍ ଦୁର୍ବଳ ଥିବା ଭଳି ମନେ ହେଉଥିଲା । ଯେଉଁଠି ବିରୋଧୀ ଟିମ୍ ବିଶାଳ ସ୍କୋର କରୁଥିଲେ, ସେଠାରେ ଟିମ୍ ଇଣ୍ଡିଆର ବ୍ୟାଟର ମାନେ ଆତ୍ମସମର୍ପଣ କରିବା ଭଳି ଲାଗୁଥିଲେ । ଦଳରେ ବହୁ ଅଭିଜ୍ଞ ଖେଳାଳି ରହିଛନ୍ତି , ହେଲେ ପୁରା ସିରିଜ୍ରେ ସେମାନ ନିଜର ଫ୍ଲପ ଶୋ’ ଦେଖାଇଚାଲିଥିଲେ । ତେଣୁ ଏସବୁ କଥାକୁ ଦୃଷ୍ଟିରେ ରଖି ବିସିସିଆଇ ନୂଆ ପ୍ଲାନ କରୁଛି ବୋଲି ଚର୍ଚ୍ଚା ହେଉଛି । ଏପିରିକି କିଛି ପୂର୍ବତନ ଖେଳାଳିଙ୍କ ନାଁରେ ନେଇ ମଧ୍ୟ ବୋର୍ଡ ପକ୍ଷରୁ ମାନସମନ୍ଥନ ଚାଲିଛି । ଖୁବଶୀଘ୍ର କିଛି ନୂଆ ରିପୋର୍ଟ ମିଳିପାରେ ବୋଲି ଆଶା କରାଯାଉଛି ।
ତେବେ ସପୋର୍ଟ ଷ୍ଟାପ୍ ଭାବେ ଟିମ୍ ଇଣ୍ଡିଆରେ ବର୍ତ୍ତମାନ ଗୌତମ ଗମ୍ଭୀର ହେଡ୍ କୋଚ୍ ରହିଛନ୍ତି । ତାଙ୍କ ପଛକୁ ଆସିସାଣ୍ଟ କୋଚ୍ ଭାବେ ଅଭିଶେଷ ନାୟର ଏବଂ ରିୟାନ ଟେନ୍ ଡିସକୋଟ୍ ରହିଛନ୍ତି । ବୋଲିଂ କୋଚ୍ ମର୍ନେ ମର୍କେଲ ରହିଥିବା ବେଳେ ଫିଲ୍ଡି କୋଚ୍ ଭାବେ ଟି ଦିଲ୍ଲୀପ ରହିଛନ୍ତି। ତେବେ ଦେଖାଯାଉ ଆଗାମୀ ଦିନରେ ବିସିସିଆଇ କାହାକୁ ଦଳର ପରବର୍ତ୍ତୀ ବ୍ୟାଟିଂ କୋଚ୍ର ଦାୟିତ୍ୱ ଦେଉଛି ।
ଗୁରୁବାରଠୁ ରତ୍ନଭଣ୍ଡାର ମରାମତି କାର୍ଯ୍ୟ, ଧାର୍ଯ୍ୟ ପୂର୍ବରୁ ସାରିବାକୁ ଲକ୍ଷ୍ୟ
