କୋଲକାତା: ପଶ୍ଚିମବଙ୍ଗରେ ବିରୋଧୀ ଦଳ ନେତା ଏବଂ ବିଜେପି ନେତା ଶୁଭେନ୍ଦୁ ଅଧିକାରୀ ଆଗାମୀ ନିର୍ବାଚନରେ ବିଜେପି ସରକାର ଗଠନ କରିବ ବୋଲି ଦମ୍ଭୋକ୍ତି ଦେଖାଇଛନ୍ତି । ମମତା ବାନାର୍ଜୀ ସରକାରଙ୍କ ଦ୍ୱାରା ଉପସ୍ଥାପନ କରାଯାଇଥିବା ବଜେଟ୍ ଉପରେ ପ୍ରତିକ୍ରିୟା ଦେଇ ସେ କହିଛନ୍ତି, 'ପ୍ରଥମେ ଜୟ ଜଗନ୍ନାଥ ହୋଇସାରିଛି । ୨୦ ବର୍ଷ ପରେ ଆମେ ଓଡ଼ିଶାରେ ବିଜୟୀ ହେଲୁ । ୨୭ ବର୍ଷ ପରେ ଆମେ ଦିଲ୍ଲୀ ଜିତିଲୁ ଏବଂ ଏବେ ଆଗାମୀ ବର୍ଷ ପଶ୍ଚିମବଙ୍ଗ ଜିତିବୁ । ପରବର୍ତ୍ତୀ ବଜେଟ୍ ବିଜେପି ସରକାର ଉପସ୍ଥାପନ କରିବ ।
ଅନ୍ୟପଟେ ଶୁଭେନ୍ଦୁ ଅଧିକାରୀ କହିଛନ୍ତି ଯେ ଏହି ବଜେଟରେ ରାଜ୍ୟର ମହିଳାଙ୍କ ସଶକ୍ତିକରଣ ପାଇଁ ଚାଲିଥିବା ଲକ୍ଷ୍ମୀ ଭଣ୍ଡାର ଯୋଜନା ଅଧିନରେ ଆବଣ୍ଟନ ରାଶିକୁ ବୃଦ୍ଧି କରାଯାଇନାହିଁ । ଏହି ଯୋଜନାରେ ବୃଦ୍ଧି କରାନଯିବା ଉପରେ ସେ କହିଛନ୍ତି, 'ଯେତେବେଳେ ଅନ୍ୟ ରାଜ୍ୟରେ ମହିଳା ସଶକ୍ତିକରଣ ପାଇଁ ମାସିକ ଭତ୍ତା ବୃଦ୍ଧି କରାଯାଇଛି, ସେତେବେଳେ ମମତା ସରକାର ଗରିବ ପରିବାରର ମହିଳାଙ୍କୁ ଆର୍ଥିକ ସହଯୋଗ କରିବାରେ ବିଫଳ ରହିଛନ୍ତି । ଏ ସରକାର ମହିଳାଙ୍କ ସାମନାରେ ଆସୁଥିବା ପ୍ରସଙ୍ଗ- ସେମାନଙ୍କ ଆଜୀବିକାଠାରୁ ଆରମ୍ଭ କରି ସୁରକ୍ଷାକୁ ସୁନିଶ୍ଚିତ କରିବାରେ ବିଫଳ ରହିଛି ।'
ଉଲ୍ଲେଖଯୋଗ୍ୟ ଯେ ଲକ୍ଷ୍ମୀ ଯୋଜନା ଅଧିନରେ ସାରା ରାଜ୍ୟର ୨୫-୬୦ ବର୍ଷ ମଧ୍ୟର ସବୁ ବର୍ଗର ମହିଳାଙ୍କ ସଶକ୍ତିକରଣ ପାଇଁ ଓ ସ୍ୱାସ୍ଥ୍ୟ ସାଥୀରେ ନାମାଙ୍କିତ ମହିଳାଙ୍କୁ ପ୍ରତିମାସରେ ୧୨୦୦ ଟଙ୍କା ଏବଂ ଲାଭାର୍ଥୀଙ୍କୁ ୧ ହଜାର ଟଙ୍କା ମିଳୁଛି ।
