କେନ୍ଦ୍ରାପଡା ୨୦।୧୧: କେନ୍ଦ୍ରାପଡା ସଦର ଥାନା ଅନ୍ତର୍ଗତ ୫୩ ନମ୍ଵର ଜାତୀୟ ରାଜପଥ ଗୋପ ଛକ ଠାରେ ସଡକ ଦୁର୍ଘଟଣାରେ ଜଣେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି l ମୃତ ବାଇକ୍ ଚାଳକ ସ୍ଥାନୀୟ ଦୁତିଆଳ ଗାଁର ଅକ୍ଷୟ ସେନାପତି ବୋଲି ଜଣାପଡିଛି l ବାଇକ୍ରେ ବସିଥିବା ଅକ୍ଷୟଙ୍କ ପୁଅ ଓ ଜଣେ ସମ୍ପର୍କୀୟ ଝିଅ ଗୁରୁତର ଆହତ ହୋଇଛନ୍ତି l ଆହତଙ୍କୁ ପ୍ରଥମେ କେନ୍ଦ୍ରାପଡ଼ା ପରେ କଟକ ସ୍ଥାନାନ୍ତର କରାଯାଇଛି l ଏହି ୩ ଜଣ ଗୋପଛକରୁ ଘରକୁ ଫେରୁଥିବା ବେଳେ ପାରାଦୀପ ପଟୁ ଆସୁଥିବା ଏକ ଦ୍ରୁତଗାମୀ ଟ୍ରକ୍ ବାଇକ୍କୁ ପଛରୁ ଧକ୍କା ଦେଇ ପ୍ରାୟ ଶହେ ମିଟର ଘୋଷାଡି ନେଇଥିଲା l ଲୋକେ ଟ୍ରକ୍ ଡ୍ରାଇଭରକୁ କାବୁ କରି ନିସ୍ତୁକ ମାଡ ମାରିଥିଲେ l ପୋଲିସ ପହଞ୍ଚି ଡ୍ରାଇଭରକୁ ଉଦ୍ଧାର କରିଥିଲା l ଦୁର୍ଘଟଣା ଘଟିବା ପରେ ସ୍ଥାନୀୟ ଲୋକେ ଗୋପ ଛକରେ ଟାୟାର ଜାଳି ରାସ୍ତା ଅବରୋଧ କରିଥିଲେ l ମୃତ ଅକ୍ଷୟ ଗୋପ ଛକରେ ଏକ ଚା’ ଦୋକାନ କରି ପରିବାର ପ୍ରତିପୋଷଣ କରୁଥିବା ଜଣାପଡ଼ିଛି l
You Can Read:
