କଟକ ୧୨।୦୨ : ସିଏମ୍ସି କାଉନ୍ସିଲ୍ ବୈଠକରେ ହୋହାଲ୍ଲା। ବିଜେପି ଓ କଂଗ୍ରେସ ସଦସ୍ୟଙ୍କ ମଧ୍ୟରେ ପାଟିତୁଣ୍ଡ। ମୁକ୍ତା ଯୋଜନାର କାର୍ଯ୍ୟକାରିତାକୁ ନେଇ ଉଭୟ ଦଳଙ୍କ ମଧ୍ୟରେ ହୋହାଲ୍ଲା। ଯାହାଫଳରେ କାଉନ୍ସିଲ୍ ବୈଠକରେ ଅବ୍ୟବସ୍ଥା ଦେଖିବାକୁ ମିଳିଛି ।
ବୁଧବାର ଦିନ ସିଏମ୍ସି କାର୍ଯ୍ୟାଳୟରେ କାଉନ୍ସିଲ୍ ବୈଠକ ବସିଥିଲା । ଯେଉଁଥିରେ ବିଜେପି ଏବଂ କଂଗ୍ରେସ ସଦସ୍ୟଙ୍କ ମଧ୍ୟରେ ପ୍ରଥମେ ପାଟିତୁଣ୍ଡ ହୋଇଥିଲା । ଖାସ୍ କରି ମୁକ୍ତା ଯୋଜନାର କାର୍ଯ୍ୟକାରିତାକୁ ନେଇ ଉଭୟ ଦଳ ଟଣାଓଟରା ହୋଇଥିବାର ଦେଖିବାକୁ ମିଳିଛି । ବିଭିନ୍ନ ପ୍ରସଙ୍ଗରେ ଆଲୋଚନା କରିବା ପରିବର୍ତ୍ତେ ସଭ୍ୟମାନେ ନିଜ ନିଜ ସିଟ୍ରୁ ଉଠି ହୋହାଲ୍ଲା ଏବଂ ପାଟିତୁଣ୍ଡ କରିଛନ୍ତି । ଏପିରିକି ବିଜେପି ଏବଂ କଂଗ୍ରେସ ଦଳର ସଭ୍ୟମାନେ ମେୟର ସୁବାଶ ସିଂଙ୍କ ଚେୟାର ନିକଟକୁ ଯାଇ ନିଜ ନିଜ ଦାବି ଉଠାଇଛନ୍ତି । ଯାହାଫଳରେ କାଉନସିଲ୍ ହଲ୍ରେ ଏକ ପ୍ରକାର ଅଚଳାବସ୍ଥା ସୃଷ୍ଟି ହୋଇଥିବାର ଦେଖିବାକୁ ମିଳିଛି ।
