ଭୁବନେଶ୍ବର ୧୪।୫: ରାଜ୍ୟରେ ପ୍ରଥମ ପର୍ଯ୍ୟାୟ ନିର୍ବାଚନ ସରିଥିବା ବେଳେ ଆସିଲା ଏକ ବଡ ଖବର । ଶେଷ ମୁହୂର୍ତ୍ତରେ ପ୍ରାର୍ଥୀ ବଦଳାଇଲା ବିଜେପି । ସୋର ବିଧାନସଭା ଆସନରେ ପ୍ରାର୍ଥୀ ବଦଳାଇଛି ବିଜେପି l ପୂର୍ବରୁ ସୋର ବିଧାନସଭା ଆସନ ପାଇଁ ରାଜେନ୍ଦ୍ର ଦାସଙ୍କୁ ବିଜେପି ପ୍ରାର୍ଥୀ କରିଥିବା ବେଳେ ଏବେ ତାହାକୁ ପରିବର୍ତ୍ତନ କରିଛି । ଶେଷ ମୁହୂର୍ତ୍ତରେ ରାଜେନ୍ଦ୍ର ଦାସଙ୍କ ସ୍ଥାନରେ ବିଜେଡିରୁ ଇସ୍ତଫା ଦେଇଥିବା ବିଧାୟକ ପର୍ଶୁରାମ ଧଡ଼ାଙ୍କୁ ବିଜେପି ସୋରରୁ ପ୍ରାର୍ଥୀ ଘୋଷଣା କରିଛି । 

ପର୍ଶୁରାମ ଧଡା ପୂର୍ବରୁ ବିଧାୟକ ଥିଲେ । ସେ ବିଜେପି ଛାଡି ବିଜେଡିରେ ଯୋଗ ଦେଇଥିଲେ । ୨୦୧୪ ଓ ୨୦୧୯ରେ ବିଜେଡି ପ୍ରାର୍ଥୀ ହୋଇ ଦୁଇ ଦୁଇ ଥର ବିଧାୟକ ହୋଇଥିଲେ ପର୍ଶୁରାମ । ଚଳିତ ନିର୍ବାଚନ ପାଇଁ ବିଜେଡି ପର୍ଶୁରାମଙ୍କ ସ୍ଥାନରେ ମାଧବ ଧଡାକୁ ପ୍ରାର୍ଥୀ କରିଥିଲା । ଯାହାକୁ ନେଇ ପର୍ଶୁରାମ ଅସନ୍ତୁଷ୍ଟ ଥିଲେ । ଫଳରେ ସେ ବିଜେଡି ଛାଡି ବିଜେପିରେ ଯୋଗଦେଇଥିଲେ । 

ଉଲ୍ଲେଖଯୋଗ୍ୟ ଯେ, ଏଥର ସୋର ବିଧାନସଭା ଆସନରେ ହେବ ତ୍ରିମୁଖୀ ଲଢ଼େଇ । ଏଠାରେ ବିଜେଡି ମାଧବ ଧଡାଙ୍କୁ ପ୍ରାର୍ଥୀ କରିଥିବା ବେଳେ କଂଗ୍ରେସ ସୁବ୍ରତ ଧଡାଙ୍କୁ ପ୍ରାର୍ଥୀ କରିଛି । ସୋର ବିଧାନସଭା ଆସନ ପାଇଁ ତିନି ଧଡାଙ୍କ ମଧ୍ୟରେ ହେବ ବିଗ୍ ଫାଇଟ୍ ।

You Can Read :

ବୁଧବାର ଓଡିଶା ଆସିବେ ଅମିତ ଶାହ, କଟକରେ ହେବ ବିରାଟ ରୋଡ ସୋ'