କଟକ୧୩/୦୨:  ଆସନ୍ତା ୧୬ତାରିଖରେ ପୁଣି କମ୍ପିବ ବାରବାଟୀ ଷ୍ଟାଡିଅମ୍। ଦେଶର ନାମିଦାମୀ ସେଲେବ୍ରିଟିମାନେ ବାରବାଟୀ ଗ୍ରାଉଣ୍ଡରେ ଖେଳିବେ କ୍ରିକେଟ ମ୍ୟାଚ। ତା ପୂର୍ବରୁ ଆଜି କ୍ରୀୟୁ ମେମ୍ବର ମାନେ ବାରବାଟୀ ଷ୍ଟାଡିଅମରେ ସ୍ଥିତି ପରଖିଛନ୍ତି। ୧୬ ତାରିଖ ଦିନ ବାରବାଟୀରେ ଖେଳାଯିବ ୩ଟି ମ୍ୟାଚ। ସକାଳ ୧୦ ଟାରେ ଓଡିଶା ରଣଜୀ ଟିମ୍ ସହିତ ବନ୍ଧୁତ୍ୱପୂର୍ଣ୍ଣ ମ୍ୟାଚ ଖେଳିବ ଓଲିଉଡ଼ ଇଲେଭେନ। ଏବଂ ଅପରାହ୍ନ ୨ ଟାରେ ହେବ ଅସଲ 20- 20 ମ୍ୟାଚ। ପ୍ରଥମ ମ୍ୟାଚ୍ ପଞ୍ଜାବ ସହିତ ଭୋଜପୁରୀ ଟିମ୍ ଖେଳିବ ଏବଂ ସନ୍ଧ୍ୟାରେ ବେଙ୍ଗଲ ଟିମକୁ ଭେଟିବ ଟିମ୍ ମୁମ୍ବାଇ। ତେବେ ୧୫ ତାରିଖ ଦିନ ସମସ୍ତ ଟିମ ବାରବାଟୀରେ ପ୍ରାକ୍ଟିସ କରିବେ। ଏବଂ ୧୬ ତାରିଖରେ ହେବ ସେଲେବ୍ରିଟି କ୍ରିକେଟ ମ୍ୟାଚ୍। 

ବେଙ୍ଗଲର ମୁକାବିଲା ମୁମ୍ବାଇ ଷ୍ଟାର ଟିମ୍ କୁ ଭେଟିବ । ଅର୍ଜୁନ କପୂର୍, ସୋହେଲ ଖାଁ, ସୋନୁ ସୁଦ୍, ମିକା ସିଂ, ଆୟୁଷ୍ମାନ ଖୁରାନା, ରିଦେଶ ଦେଶମୁଖ, ଜାହ୍ନବୀ କପୁର ଭଳି ଷ୍ଟାର ମାନେ ଖେଳୁଥିବାର ଦର୍ଶକ ଦେଖିବେ । ଫେବୃଆରୀ ୧୧ରୁ ବାରବାଟୀରେ ଟିକେଟ ମିଳିବା ଆରମ୍ଭ ହୋଇଛି । ଏହାଛଡା ରେଲୱେ ଷ୍ଟେସନ, ବିମାନ ବନ୍ଦର, ବସ ଷ୍ଟାଣ୍ଡ ରେ ବି ଟିକେଟ ମିଳିବ ।

Also Read- ବାରବାଟୀ ଲାଇଟ୍ ବିଭ୍ରାଟ ଘଟଣା, ସାଂସଦ କହିଲେ କେବଳ କଟକ ନୁହେଁ ବଦ୍‌ନାମ ଏବେ ଓଡ଼ିଶା