ଖାମେନିଙ୍କୁ ଘାରିଛି ଏୟାର ଷ୍ଟ୍ରାଇକ୍ ଭୟ, ୩୭ ବର୍ଷରେ ପ୍ରଥମ ଥର ପାଇଁ ସେନା ଉତ୍ସବରେ ହେଲେନି ସାମିଲ

ତେହରାନ,୦୯|୦୨ : ଆମେରିକା ଏବଂ ଇରାନ ମଧ୍ୟରେ ତିକ୍ତତା କମିବାର ନାଁ ଧରୁନାହିଁ । ଉଭୟ ପକ୍ଷ ଆଲୋଚନା ପାଇଁ ପ୍ରସ୍ତୁତ ଅଛନ୍ତି । କିନ୍ତୁ ଏବେବି ଇରାନର ସର୍ବୋଚ୍ଚ ନେତା ଖାମେନିଙ୍କୁ ଆମେରିକା ଆକ୍ରମଣର ଭୟ ଘାରିଛି । କାରଣ ରବିବାର ୩୭ବର୍ଷରେ ପ୍ରଥମ ଥର ପାଇଁ ସେ ସେନାର ବାର୍ଷିକ ବୈଠକରେ ସାମିଲ ହୋଇ ନାହାଁନ୍ତି । ତାଙ୍କ ବଦଳରେ ସେନାର ଚିଫ୍ ଅଫ୍ ଷ୍ଟାଫ୍ ଅବଦୋଲରହିମ ମୌସଭି ଏଥିରେ ଯୋଗ ଦେଇଥିଲେ ।

ପ୍ରତିବର୍ଷ ଇରାନରେ ଫେବ୍ରୁଆରୀ୮ତାରିଖରେ ସେନାର ବାର୍ଷିକ ଉତ୍ସବ ପାଳନ ହୁଏ ।୧୯୭୯ମସିହାରେ ଏହି ଦିନ ଇରାନ ବାୟୁ ସେନାର କିଛି ଅଧିକାରୀ ଖାମେନିଙ୍କ ପୂର୍ବଜଙ୍କ ପ୍ରତି ନିଷ୍ଠା ଦେଖାଇଥିଲେ । ସେବେଠୁ ଖାମେନିଙ୍କ ପରିବାର ସଦସ୍ୟ ସେନାର ବାର୍ଷିକ ଉତ୍ସବରେ ସାମିଲ ହେଉଛନ୍ତି । କିନ୍ତୁ୨୦୨୬ରେ ଏଥିରେ ବ୍ୟତିକ୍ରମ ଦେଖିବାକୁ ମିଳିଛି ।୧୯୮୯ରେ ଖାମେନି ଦେଶର ସର୍ବୋଚ୍ଚ ନେତା ହେଲା ପରେ ପ୍ରଥମ ଥର ଏପରି ହୋଇଛି ଯେତେବେଳେ କିସେଉତ୍ସବରୁ ନିଜକୁ ଦୂରରେ ରଖିଛନ୍ତି । କୋଭିଡ-୧୯ବେଳେ ମଧ୍ୟ ସେ ଏହି ପରମ୍ପରା ଭାଙ୍ଗିବାକୁ ଦେଇନଥିଲେ ।

ଇରାନକୁ ଡର

କୁହାଯାଉଛି ଯେ,୨୦୨୫ଜୁନ ମାସ ଭଳି ଏଥର ମଧ୍ୟ କିଛି ଆକ୍ରମଣ ହୋଇପାରେ ବୋଲି ଖାମେନି ଆଶଙ୍କା କରୁଥିଲେ । ଗତବର୍ଷ ଜୁନ୧୯ରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ସାମ୍ବାଦିକଙ୍କୁ ସମ୍ଭାବ୍ୟ ଆକ୍ରମଣ ନେଇ ସୂଚନା ଦେଇଥିଲେ । ଏହାର ଦୁଇ ଦିନ ପରେ ଅର୍ଥାତ ଜୁନ୨୧ତାରିଖରେ ଆମେରିକା ଅପରେସନ ମିଡନାଇଟ୍ ହାମର୍ ଆରମ୍ଭ କରିଥିଲା । ଏହାଦ୍ୱାରା ୟୁଏସ ନୌସେନା ଏବଂ ବାୟୁସେନା ଇରାନରଦୁଇଟିଆଣବିକ କେନ୍ଦ୍ର ଉପରେ ଆକ୍ରମଣ କରି ଧ୍ୱଂସ କରି ଦେଇଥିଲା । ତେଣୁ ଚଳିତ ଥର ଖାମେନି ଏପରି କିଛି ଆଶଙ୍କା କରି ସମାରୋହରେ ସାମିଲ ହୋଇନାହାଁନ୍ତି । କିଛି ଦିନ ପୂର୍ବରୁ ସେ ଆମେରିକାର ଏୟାରଷ୍ଟ୍ରାଇକ୍ ଡରରେ ଏକ ଗୁମ୍ଫା ବା ସୁଡଙ୍ଗରେ ଲୁଚିଥିବା ନେଇ ମଧ୍ୟ ଖବର ଆସିଥିଲା ।

ଏହି ଖବରଟି ପଢନ୍ତୁ...  'RSS କହିଲେ ମୁଁ ପଦ ଛାଡିଦେବି, କିନ୍ତୁ କାମ କରିବା ଜାରି ରହିବ' : ଅବସର ନେଇ ମୋହନ ଭାଗବତଙ୍କ ବୟାନ

ଅନ୍ୟ ଦିଗରେ ୟୂଏସ ତେହରାନ ଉପରେ ଚାପ ପ୍ରୟୋଗ ଜାରି ରଖିଛି । ଗତ୭ତାରିଖରେ ୟୁଏସର ଏକ ପ୍ରତିନିଧି ଦଳ ଆରବ ସାଗରରେ ଅବସ୍ଥାପିତ ଯୁଦ୍ଧ ଜାହାଜଆବ୍ରାହମ୍ ଲିଙ୍କନର ସମୀକ୍ଷା କରିଥିଲେ । ଏହା ୟୁଏସର ସବୁଠୁ ଶକ୍ତିଶାଳୀ ଯୁଦ୍ଧ ଜାହାଜ ବୋଲି କୁହାଯାଉଛି । ଟ୍ରମ୍ପ୍ ମଧ୍ୟ ଆଣବିକ ଚୁକ୍ତିକୁ ନେଇ ଖାମେନି ଭୟ କରିବା ଦରକାର ଏବଂ ବିବ୍ରତ ହେବା ଉଚିତ ବୋଲି କହିଥିଲେ ।