ଫୁଲବାଣୀ ୨୪/୭: କନ୍ଧମାଳର ପ୍ରସିଦ୍ଧ ବଲସକୁମ୍ପା ମାଆ ବରାଳ ଦେବୀ ମନ୍ଦିର ଲୁଟ୍ ଘଟଣା । ୧୨ ଘଣ୍ଟା ପରେ ପୋଲିସ ହାବୁଡରେ ପଡିଲେ ୩ ଚୋର । ସେମାନଙ୍କ ଠାରୁ ୫୭ ହଜାର ୨୮୨ ଟଙ୍କା,ଚୋରିରେ ବ୍ୟବହାର ହୋଇଥିବା ଲୁହା ଛଡ,୩ଟି ମୋବାଇଲ,ଗୋଟିଏ ବ୍ୟାଗ ଜବତ କରିଛି ପୋଲିସ । ଗିରଫ ୩ ଜଣେ ହେଲେ ଫୁଲବାଣୀ ଆମଲାପଡାର ରବୀନ୍ଦ୍ର ବିଷୋୟୀ,ସଦରଥାନା ଦଡକି ସଇପଦରର ରବୀନ୍ଦ୍ର ନାୟକ ଓ ଅନ୍ୟ ଜଣେ ନାବାଳକ ରହିଛି ।
ଗତ ଶନିବାର ଦାନ ହୁଣ୍ଡି ଭଙ୍ଗାଯାଇ ଲୁଟ୍ ହୋଇଥିଲା । ମନ୍ଦିର ପରିଚାଳନା କମିଟି ପକ୍ଷରୁ ଖଜୁରିପଡା ଥାନାରେ ଏତଲା ଦିଆଯାଇଥିଲା । ଅଭିଯୋଗ ଆଧାରରେ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା ପୋଲିସ । ମନ୍ଦିରର ସିସିଟିଭି ଫୁଟେଜରୁ ଚୋରଙ୍କୁ କାବୁ କରିଥିଲା ପୋଲିସ ।