ଥାଇଲାଣ୍ଡରୁ ଧରା ହେଲେ ଲୁଥ୍ରା ବ୍ରଦର୍ସ : ଗୋଆ ନାଇଟ୍ କ୍ଲବ୍ ଅଗ୍ନିକାଣ୍ଡ ପରେ ଦେଶରୁ ହୋଇଯାଇଥିଲେ ଫେରାର

ନୂଆଦିଲ୍ଲୀ, ୧୧/୧୨:ଥାଇଲାଣ୍ଡରୁ ଧରାପଡିଲେ ଲୁଥ୍ରା ବ୍ରଦର୍ସ । ଗୋଆ ନାଇଟ୍ କ୍ଲବ୍ ଅଗ୍ୱିକାଣ୍ଡ ଘଟଣାରେ ମୁଖ୍ୟ ଅଭିଯୁକ୍ତ ଲୁଥ୍ରା ବ୍ରଦର୍ସଙ୍କୁ ଥାଇଲାଣ୍ଡ ପୋଲିସ ଅଟକ ରଖିଛି । ଭାରତର ଅନୁରୋଧ ପରେ ଥାଇ ପୋଲିସ ଏପରି କାର୍ଯ୍ୟାନୁଷ୍ଠାନ ନେଇଥିବା ସୂଚନା ମିଳିଛି ।

ସୂଚନାନୁସାରେ, ଗୋଆ ପୋଲିସର ଅନୁରୋଧ ରକ୍ଷା କରି ବୈଦେଶିକ ମନ୍ତ୍ରୀ ଲୁଥ୍ରା ବ୍ରଦର୍ସଙ୍କ ପାସପୋର୍ଟକୁ ରବ୍ଦ କରିଥିଲା । ତେଣୁ ଉଭୟେ ଥାଇଲାଣ୍ଡର ଫୁକେଟ ସହରରୁ ବାହାରକୁ ଯାଇପାରିନଥିଲେ । ସେଠାରେ ତାଙ୍କୁ ଥାଇ ପୋଲିସ ଅଟକ ରଖିଛି । ଖୁବ୍ ଶୀଘ୍ର ଦୁଇ ଭାଇଙ୍କୁ ଭାରତ ପ୍ରତ୍ୟାର୍ପଣ କରାଯିବ ।

ଗୋଆ ପୋଲିସ କହିଥିଲା ଯେ, ସୌରଭ ଏବଂ ଗୌରବ ଅତି ଚାଲାକ ହୋଇ ଦେଶ ଛାଡି ପଳାଇଥିଲେ । ଏବେ ତାଙ୍କ ପାସପୋର୍ଟକୁ ସସପେଣ୍ଡ୍ କରାଯାଇଛି । ଯାହା ଏକ ବଡ ଉପଲବ୍ଧି ଅଟେ । ଏହାଦ୍ୱାରା ଇଣ୍ଟରପୋଲ୍ ଏବଂ କୁଟନୈତିକ ମାଧ୍ୟମରେ ସେମାନଙ୍କୁ ଭାରତ ପ୍ରତ୍ୟାର୍ପଣ ସହଜ ହେବ ।

ସୂତ୍ରାନୁସାରେ, ଗୋଆ ସରକାର ବୈଦେଶିକ ମନ୍ତ୍ରାଳୟକୁ ଲୁଥ୍ରା ବ୍ରଦର୍ସଙ୍କ ପାସପୋର୍ଟ ରବ୍ଦ ପାଇଁ ଅନୁରୋଧ କରିଥିଲା ।ଯାହାପରେ ଏହା ଉପରେ କାର୍ଯ୍ୟାନୁଷ୍ଠାନ ନେଇଛି ବୈଦେଶିକ ମନ୍ତ୍ରାଳୟ । ମଙ୍ଗଳବାର ସେମାନଙ୍କ ବିରୋଧରେ ବ୍ଲୁ କର୍ଣ୍ଣର୍ ନୋଟିସ ମଧ୍ୟ ଜାରି ହୋଇଛି । ସେମାନେ ଫୁକେଟରେ ଲୁଚିଥିବା ସୂଚନା ମିଳିଥିଲା ।

ତଦନ୍ତକାରୀ ଅଧିକାରୀଙ୍କ କହିବାନୁସାରେ, ଦୁଇ ଭାଇ ଡିସେମ୍ବର୭ତାରିଖ ରାତିର୧.୧୭ରେ ଥାଇଲାଣ୍ଡ୍ ପାଇଁ ଟିକେଟ୍ ବୁକ୍ କରିଥିଲେ । ଏହି ସମୟରେ ବିର୍ଚ ବାଏ ରୋମିଓ ଲେନ୍ ନାଇଟ୍ କ୍ଲବରେ ନିଆଁ ଲାଗିଯାଇଥିଲା । ପୋଲିସ ତାଙ୍କ ପାଖରେ ପହଁଚିବା ପୂର୍ବରୁ ସେମାନେ ଦେଶ ଛାଡି ଚାଲିଯାଇଥିଲେ ।

ତେବେ କୋର୍ଟରେ ଲୁଥ୍ରା ବ୍ରଦର୍ସଙ୍କ କହିବାନୁସାରେ, ସେମାନେ ପୂର୍ବରୁ ଯାତ୍ରା କରିବେ ବୋଲି ନିଷ୍ପତ୍ତି ନେଇଥିଲେ । ଡିସେମ୍ବର୬ତାରିଖରେ ହିଁ ସେମାନେ କୌଣସି କାମରେ ଥାଇଲାଣ୍ଡ ଚାଲିଯାଇଥିଲେ । ସେମାନଙ୍କୁ ଗିରଫଗାରୀ ବିନା ଭାରତ ଆସିବାକୁ ଅନୁମତି ମିଳୁ ବୋଲି କୋର୍ଟରେ ଉଭୟଙ୍କ ଓକିଲ ଆବେଦନ କରିଛନ୍ତି ।