ପାଟଣା ୧୩।୧୦: କେନ୍ଦୁଝର ଜିଲ୍ଲା ଗସ୍ତର ରବିବାର ଦ୍ବିତୀୟ ଦିନରେ, ସକାଳ ୮ଟାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝି ସର୍କିଟ ହାଉସରୁ ବାହାରି ପ୍ରଥମେ ଜନ୍ମମାଟି ତଥା ରାଇକଳା ଗାଁ ସ୍ଥିତ ନିଜ ଘରକୁ ଯାଇଥିଲେ । ସେଠାରେ ମୁଖ୍ୟମନ୍ତ୍ରୀଙ୍କୁ ତାଙ୍କ ପରିବାର ଲୋକେ ବନ୍ଦାପନା କରି ଘରକୁ ପାଛୋଟି ନେଇଥିଲେ । ସେଠାରେ ସେ ତାଙ୍କର ପାରମ୍ପାରିକ କୂଳ ଦେବତାଙ୍କୁ ପୂଜାର୍ଚ୍ଚନା କରିଥିଲେ । ନିଜ ଗ୍ରାମବାସୀଙ୍କ ସହ ରାଜ୍ୟବାସୀଙ୍କ ଉନ୍ନତି କାମନା କରିଥିଲେ । ଓଡ଼ିଶାବାସୀଙ୍କ କେମିତି ସୁଖ ସମୃଦ୍ଧି ବୃଦ୍ଧି ହେବ ତାହା ମଧ୍ୟ କାମନା କରିଥିବା ମୁଖ୍ୟମନ୍ତ୍ରୀ କହିଛନ୍ତି । 

ମୁଖ୍ୟମନ୍ତ୍ରୀ ଘରେ ପ୍ରାୟ ୩ ଘଣ୍ଟା ଧରି ପୂଜାର୍ଚ୍ଚନ କରିବା ପରେ ସେଠାରେ ଉପସ୍ଥିତ କିଛି ଲୋକଙ୍କର ଅଭିଯୋଗ ଗ୍ରହଣ କରିଥିଲେ । ଏପରିକି ୧୦ ବର୍ଷର ଏକ ପୁଅ ନିଖୋଜ ହୋଇଯାଇଥିବା ଅଭିଯୋଗ ନେଇ ତା ବାପା ମାଆ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ । ମୁଖ୍ୟମନ୍ତ୍ରୀ ଗ୍ରହଣ କରିଥିବା ସମସ୍ତ ଅଭିଯୋଗର ତୁରନ୍ତ ସମାଧାନ ପାଇଁ ପଦକ୍ଷେପ ନେବାକୁ ନିର୍ଦ୍ଦେଶ ଦେଇଛନ୍ତି । 

ଏହାପରେ ୧୨ଟା ୫ ମିନିଟରେ ଘରୁ ବାହାରି ଝୁମ୍ପୁରା ଦୁର୍ଗାପୂଜା ମଣ୍ଡପକୁ ଯାଇ ମା’ ଦୁର୍ଗାଙ୍କ ପୂର୍ଣ୍ଣାହୁତିରେ ସାମିଲ ହୋଇଥିଲେ ମୁଖ୍ୟମନ୍ତ୍ରୀ । ତା ପରେ ସୁନାରିପଶି ଦୁର୍ଗାପୂଜା ମହୋତ୍ସବରେ ଭାଗ ନେଇ ମା’ଙ୍କ ଦର୍ଶନ କରିବା ସହ ଆଶୀର୍ବାଦ ଗ୍ରହଣ କରିଥିଲେ । ମୁଖ୍ୟମନ୍ତ୍ରୀ ମୋହନ ଚରଣ ମାଝିଙ୍କ ରାଇକଳା ଗସ୍ତକୁ ନେଇ ଅଞ୍ଚଳବାସୀ ଉତ୍ସାହିତ ହୋଇପଡିଛନ୍ତି । ମୁଖ୍ୟମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି । 

You Can Read:

ଦୁଇ ଭାଇ କଳିରୁ ଫୁଟିଲା ଗୁଳି, ବଡ଼ ଭାଇକୁ ଗୁଳି ମାରିଲା ସାନ ଭାଇ