ଭୁବନେଶ୍ବର ୯।୧୧: ଭୁବନେଶ୍ବର ବଡଗଡ ବ୍ରିଟ୍ କଲୋନୀରେ ଭୟାବହ ଅଗ୍ନିକାଣ୍ଡ ହୋଇଛି । ଅଗ୍ନିକାଣ୍ଡରେ ଜଳିଯାଇଛି ବିପୁଳ ପରିମାଣର କପଡା । ଜଣେ ବ୍ୟବସାୟୀଙ୍କ ଘରେ ନିଆଁ ଲାଗିଥିବା ଜଣାପଡିଛି । ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।
ସୂଚନାଯୋଗ୍ୟ ଯେ, ବଡଗଡ ବ୍ରିଟ୍ କଲୋନୀରେ ବ୍ୟବସାୟୀ ନବୀନ ଚନ୍ଦ୍ର ସାହୁଙ୍କ ଘରେ ଭୟାବହ ଅଗ୍ନିକାଣ୍ଡ ଘଟିଛି । ନିଆଁ ଲାଗିବା ଯୋଗୁଁ ଲକ୍ଷାଧିକ ଟଙ୍କାର କପଡା ଜଳିପୋଡି ପାଉଁଶ ହୋଇଯାଇଛି । ତେବେ ସର୍ଟ ସର୍କିଟ୍ ଯୋଗୁ ନିଆଁ ଲାଗିଥିବା ସନ୍ଦେହ କରାଯାଉଛି । ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ କରିଛି । ପୋଲିସ ନିଆଁ ଲାଗିବା ଘଟଣାର ତଦନ୍ତ ଆରମ୍ଭ କରିଛି ।
କିଛି ଦିନ ତଳେ ୟୁନିଟ-୧ ସ୍ଥିତ ଭୂତଳ ମାର୍କେଟ୍ରେ ନିଆଁ ଲାଗି ତାଙ୍କ କପଡା ଦୋକାନ ପୋଡି ଯାଇଥିଲା । ସେଠାରୁ ବର୍ତ୍ତି ଯାଇଥିବା କପଡା ଆଣି ସେ ଏହି ଘରେ ରଖିଥିଲେ ।
You Can Read:
