ଜୟପୁର ୧୦।୧୦ : କୋରାପୁଟ ଜିଲ୍ଲା ଜୟପୁର ନିକଟସ୍ଥ ବାମୁଣୀପୁଟରେ ଅଭାବନୀୟ ଘଟଣା । ଆଗ ପଛ ହୋଇ ଆତ୍ମହତ୍ୟା କରିଲେ ସ୍ୱାମୀ-ସ୍ତ୍ରୀ । ମୃତକ ହେଲେ ସୁକନ ସୌରା ଓ ସୁମିତ୍ରା ସୌର ବୋଲି ଜଣାପଡିଛି ।
ଖବର ଅନୁଯାୟୀ, ବର୍ଷକ ତଳେ ବିବାହ କରିଥିଲେ ଉଭୟ । କିଛି ଦିନ ଧରି ସୁରୁଖୁରୁରେ ଚାଲିଥିଲା ସଂସାର । ହେଲେ ଏବେ ହଠାତ୍ ଉଭୟ ସ୍ୱାମୀ-ସ୍ତ୍ରୀ ଆତ୍ମହତ୍ୟା କରିଛନ୍ତି । ବେକରେ ରଶି ଲଗାଇ ଆତ୍ମହତ୍ୟା କରିଛନ୍ତି ଦମ୍ପତି । ପ୍ରଥମେ ସ୍ୱାମୀ ଏବଂ ପରେ ସ୍ତ୍ରୀ ଆତ୍ମହତ୍ୟା କରିଥିବା ସୂଚନା ମିଳିଛି । ବର୍ତ୍ତମାନ ଯାଏଁ ସ୍ୱାମୀ-ସ୍ତ୍ରୀଙ୍କ ଆତ୍ମହତ୍ୟାର କାରଣ ଅସ୍ପଷ୍ଟ ରହିଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ପ୍ରଥମେ ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ରିପୋର୍ଟ ଆସିବା ପରେ ମୃତ୍ୟୁର ସଠିକ କାରଣ ଜଣାପଡିବ ବୋଲି ଆଶା କରାଯାଉଛି ।