ଭୁବନେଶ୍ବର ୩୦।୧୧: ବରିଷ୍ଠ ସାମ୍ବାଦିକ ଅକ୍ଷୟ ସାହୁଙ୍କୁ ଖଲିସ୍ତାନୀ ଆତଙ୍କୀ ପନ୍ନୁ ନାଁରେ ଧମକପୂର୍ଣ୍ଣ ଇ-ମେଲ୍ ଆସିବା ପରେ ତନାଘନା ଆରମ୍ଭ ହୋଇଛି । ଅକ୍ଷୟ ସାହୁଙ୍କ ଇ-ମେଲ୍ ଯାଞ୍ଚ କରିବାକୁ ପହଞ୍ଚିଲା କ୍ରାଇମବ୍ରାଞ୍ଚ । ଖଲିସ୍ତାନୀ ଆତଙ୍କବାଦୀ ପନ୍ନୁ ନାଁରେ ଯେଉଁ ଇ-ମେଲ୍ ସାମ୍ବାଦିକ ଅକ୍ଷୟ ସାହୁଙ୍କ ନିକଟରେ ପହଞ୍ଚିଛି ତାର ଯାଞ୍ଚ ପାଇଁ କ୍ରାଇମବ୍ରାଞ୍ଚର ଜଣେ ସଦସ୍ୟ ଆସିଛନ୍ତି । ଶନିବାର ସକାଳ ୯ଟା ୪ ମିନିଟ୍ରେ ଆସିଥିଲା ମେଲ୍ । ଓଡ଼ିଆରେ ରହିଛି ଅଡିଓର ଥମ୍ବନେଲ୍ । ଓଡ଼ିଆରେ ଲେଖାଥିବାରୁ ପନ୍ନୁର ସ୍ଲିପିଂ ସେଲ୍ ଓଡିଶାରେ ରହିଛନ୍ତି କି ବୋଲି ପ୍ରଶ୍ନ ସୃଷ୍ଟି ହୋଇଛି । ଯାଞ୍ଚ ପରେ ମେଲ୍ର ସତ୍ୟତା ସାମ୍ନାକୁ ଆସିବ ।
ସେପଟେ ଧମକପୂର୍ଣ୍ଣ ଇ-ମେଲ୍ ଆସିବା ପରେ ରାଜଧାନୀରେ ବଢିଲା ସୁରକ୍ଷା । ସୁରକ୍ଷା ବ୍ୟବସ୍ଥା ଆହୁରି କଡାକଡି କରିଛି କମିଶନରେଟ୍ ପୋଲିସ । ଆଲର୍ଟ ମୋଡ୍ରେ ଦାୟିତ୍ବରେ ଥିବା ସବୁ ଅଧିକାରୀ । କେନ୍ଦ୍ରୀୟ ସୁରକ୍ଷା ବ୍ୟବସ୍ଥା ଓ ଗୁଇନ୍ଦା ବିଭାଗକୁ ସଜାଗ ରହିବାକୁ କୁହାଯାଇଛି । ଘଟଣାସ୍ଥଳକୁ ଆସିଛନ୍ତି ଅତିରିକ୍ତ ଫୋର୍ସ ।
ସୂଚନାଯୋଗ୍ୟ ଯେ, ପନ୍ନୁର ଇ-ମେଲ୍ରେ ପଠାଇଥିବା ଅଡିଓ ମେସେଜରେ ଭୁବନେଶ୍ବର ବିଜୁ ପଟ୍ଟନାୟକ ବିମାନବନ୍ଦରକୁ ଟାର୍ଗେଟ କରାଯାଇଛି । ରବିବାର ଏୟାରପୋର୍ଟରୁ ବିମାନ ଉଡାଣ ନ ଭରିବାକୁ ଚେତାବନୀ ଦେଇଛି ଖଲିସ୍ତାନୀ ଆତଙ୍କୀ ପନ୍ନୁ । ଏଥିସହ ଡିଜିପି ସମ୍ମିଳନୀକୁ ଭଣ୍ଡୁର କରିବାକୁ ଧମକ ଦିଆଯାଇଛି । ଖଲିସ୍ତାନୀ ପତାକା ଉଡାଇଲେ ୨୫ ଲକ୍ଷର ପୁରସ୍କାର ଘୋଷଣା କରାଯିବ ବୋଲି ଇ-ମେଲ୍ ଅଡିଓ ମେସେଜରେ ଉଲ୍ଲେଖ ରହିଛି । ଶନିବାର ସକାଳ ପ୍ରାୟ ୯ଟା ୪ ମିନିଟ୍ରେ ବରିଷ୍ଠ ସାମ୍ବାଦିକ ଅକ୍ଷୟ ସାହୁଙ୍କ ପାଖକୁ ଧମକପୂର୍ଣ୍ଣ ମେସେଜ ଆସିଥିଲା । ଏନେଇ ସେ କମିଶନରେଟ୍ ପୋଲିସକୁ ଜଣାଇବା ସହ ଥାନାରେ ମଧ୍ୟ ସେ ଅଭିଯୋଗ କରିଛନ୍ତି ।
You Can Read:
ଆତଙ୍କୀ ପନ୍ନୁର ଟାର୍ଗେଟରେ ଡିଜିପି ସମ୍ମିଳନୀ, ଧମକପୂର୍ଣ୍ଣ ଇ-ମେଲ୍ ପରେ ସୁରକ୍ଷା ବ୍ୟବସ୍ଥା କଡାକଡି
