ସରିଲା କ୍ରିତି ସାନନ୍‌ଙ୍କ ଅପକମିଙ୍ଗ ରୋମାଣ୍ଟିକ୍ ଫିଲ୍ମ ‘କକ୍‌ଟେଲ୍‌ -୨’ର ସୁଟିଂ, ରିଲିଜ୍‌ ଅପେକ୍ଷାରେ ଫ୍ୟାନ୍ସ

ମୁମ୍ୱାଇ,୨୭।୧୨: ଅପକମିଂ ରୋମାଣ୍ଟିକ୍ କମେଡି ‘କକ୍ଟେଲ୍-୨’ର ସୁଟିଂ ଶେଷ କରିଛନ୍ତି କ୍ରିତି ସାନନ୍ । ଫିଲ୍ମର ସୁଟିଂକୁ ସେ ଖୁବ୍ ଉପଭୋଗ କରିଛନ୍ତି । ଏହି ମାହୋଲ ଖୁସି, ସକାରାତ୍ମକ ଓ ମଜାଦାର ଥିଲା ବୋଲି ସେ କହିଛନ୍ତି । ଫିଲ୍ମରେ ତାଙ୍କ ସହ ଶାହିଦ କପୁର ଓ ରଶ୍ମିକା ମନ୍ଦାନା ମୁଖ୍ୟ ଭୂମିକାରେ ଅଛନ୍ତି । ନିର୍ଦ୍ଦେଶନା ଦେଇଛନ୍ତି ହୋମି ଆଦାଜାନିଆ ।

ଏକ ଗଣମାଧ୍ୟମ ସହ ବାର୍ତ୍ତାଳାପରେ କ୍ରିତି କହିଛନ୍ତି, ବହୁତ ଦିନ ଧରି ଏକ ହାଲ୍କା-ଫୁଲ୍କା ପ୍ରୋଜେକ୍ଟ ସେ ଖୋଜୁଥିଲେ । ଖାସକରି ‘ତେରେ ଇଶ୍କ ମେଁ’ ଭଳି ଗମ୍ଭୀର ଫିଲ୍ମ ପରେ ‘କକ୍ଟେଲ୍-୨’ ଭଳି ଏକ ଫିଲ୍ମ ଚାହୁଁଥିଲେ । ମଜା ଓ ରୋମାଣ୍ଟିକ୍-କମେଡି ସ୍ପେସ୍ ତାଙ୍କର ଦରକାର ଥିଲା । ଠିକ୍ ସମୟରେ ଠିକ୍ ପ୍ରୋଜେକ୍ଟ ମିଳିଗଲା ।

୨୦୨୪ର ‘ତେରୀ ବାତୋଁ ମେଁ ଐସା ଉଲ୍ଝା ଜିୟା’ ପରେ ‘କକ୍ଟେଲ୍-୨’ରେ ପୁଣି ଥରେ ଶାହିଦ କପୁରଙ୍କ ସହ ସ୍କ୍ରିନ୍ ଶେୟାର କରିବେ କ୍ରିତି । ହୋମିଙ୍କ ନିର୍ଦ୍ଦେଶନାରେ ଏହା ତାଙ୍କର ପ୍ରଥମ ଫିଲ୍ମ । ‘କକ୍ଟେଲ୍-୨’ ସହିତ ୨୦୨୬ ଆରମ୍ଭ କରୁଥିବା କ୍ରିତି ନୂଆ ବର୍ଷକୁ ନେଇ ଖୁବ୍ ଆଶାବାଦୀ ଅଛନ୍ତି ।