ନୂଆଦିଲ୍ଲୀ ୧୪।୧୨: ବକ୍ସ ଅଫିସ୍ରେ ଧମାଲ୍ କରୁଛି ଅଲ୍ଲୁ ଅର୍ଜୁନଙ୍କ ଫିଲ୍ମ ‘ପୁଷ୍ପା-୨’ । ଭାଙ୍ଗିବାରେ ଲାଗିଛି ସବୁ ରେକର୍ଡ । ଫିଲ୍ମ ପ୍ରଥମ ସପ୍ତାହରେ ଭାରତୀୟ ଭାଷାରେ ୭୨୫.୮ କୋଟି ଟଙ୍କା ରୋଜଗାର କରିଥିଲା । ତେବେ ଫିଲ୍ମ ରିଲିଜର ୯ମ ଦିନରେ ଅର୍ଥାତ୍ ଶୁକ୍ରବାର ଫିଲ୍ମର ଆୟ ୩୬.୪ କୋଟି ରହିଥିଲା । ରିପୋର୍ଟ ଅନୁଯାୟୀ ଖବର ଲେଖା ହେବା ଯାଏଁ ୧୬.୯୮ କୋଟି ଟଙ୍କା ଆୟ କରିଛି । ତେବେ ଏହା ସହ ଭାଙ୍ଗିଛି ୨ବର୍ଷର ରେକର୍ଡ ।
ପୁଷ୍ପା-୨ ଯବାନ୍, ପଠାନ୍, କଲ୍କି ୨୮୯୮ ଭଳି ଫିଲ୍ମର ଲାଇଫଟାଇମ୍ କଲେକ୍ସନକୁ ଭାଙ୍ଗିଛି । ଫିଲ୍ମ ରିଲିଜ୍ ହେବାର ଦଶମ ଦିନରେ 'RRR'ର ରେକର୍ଡ ଭାଙ୍ଗିଛି । ୨୦୨୨ରେ ରିଲିଜ୍ ହୋଇଥିବା ରାମଚରନ୍ ତେଜା ଏବଂ ଜୁନିଅର NTRଙ୍କ ଫିଲ୍ମ ୭୮୨.୨ କୋଟି ଟଙ୍କା ଆୟ କରିଥିଲା । ବର୍ତ୍ତମାନ ଅଲୁ ଅର୍ଜୁନଙ୍କ ପୁଷ୍ପା-୨ ଏହି ରେକର୍ଡ ନିକଟତର ହୋଇଛି ।
ଶୁକ୍ରବାର ସଂନ୍ଦ୍ୟାରେ ଗିରଫ ହୋଇଥିଲେ ଅଲୁ ଅର୍ଜୁନଙ୍କୁ । ନିମ୍ନ ଅଦାଲତ ତାଙ୍କୁ ୧୪ଦିନର ନ୍ୟାୟିକ ହେପାଜତରେ ରଖିବାକୁ ନିଷ୍ପତ୍ତି ନେଇଥିଲେ । ଏହାପରେ ତେଲେଙ୍ଗାନା ହାଇକୋର୍ଟ ତାଙ୍କୁ ୪ ସପ୍ତାହ ପାଇଁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଥିଲେ।
ପୁଷ୍ପା-୨ ବିଷୟରେ କହିବାକୁ ଗଲେ ଫିଲ୍ମର ନିର୍ଦ୍ଦେଶନା ଦେଇଛନ୍ତି ସୁକୁମାର । ସେ ଏହାର ପ୍ରଥମ ଭାଗ ପୁଷ୍ପା ଦି ରାଇଜ୍ର ମଧ୍ୟ ନିର୍ଦ୍ଦେଶନା ଦେଇଥିଲେ। ଫିଲ୍ମରେ ଅଲୁ ଅର୍ଜୁନ, ରଶ୍ମିକା ମନ୍ଦନା ଏବଂ ଫାହାଦ୍ ଫାସିଲ ପ୍ରମୁଖ ଭୂମିକାରେ ରହିଛନ୍ତି ।
