ବ୍ରହ୍ମପୁର ୯/୧: ଡ୍ରେନରେ ଭାସୁଛି ଅଜଣା ଯୁବକଙ୍କ ମୃତଦେହ । ହତ୍ୟା ନା ଆତ୍ମହତ୍ୟା । ପୋଲିସର ଛାନ୍ଭିନ୍ । ବ୍ରହ୍ମପୁର ନୂଆ ବସଷ୍ଟାଣ୍ଡ ପେଟ୍ରୋଲ ପମ୍ପ ନିକଟରେ ଥିବା ଡ୍ରେନରୁ ଯୁବକଙ୍କ ମୃତଦେହ ଉଦ୍ଧାର । ସ୍ଥାନୀୟ ଲୋକଙ୍କ ଠାରୁ ଖବର ପାଇଁ ଘଟଣାସ୍ଥଳରେ ପହଞ୍ଚିଥିଲା ବୈଦ୍ୟନାଥପୁର ଥାନା ପୋଲିସ । ମୃତଦେହ ଉଦ୍ଧାର କରି ପୋଷ୍ଟମର୍ଟମ ପାଇଁ ବଡମେଡିକାଲକୁ ପଠାଯାଇଛି ।
ମୃତ ଯୁବକଙ୍କ ପରିଚୟ ମିଳିପାରିନି । ସେ ଡ୍ରେନ ଭିତରକୁ କେମିତି ଆସିଲେ ? ସେ ଆତ୍ମହତ୍ୟା କରିଛନ୍ତି ନା ତାଙ୍କୁ କେହି ମାରି ଏଠାରେ ଫିଙ୍ଗିଦେଇଛି ? ବିଭିନ୍ନ ଦିଗକୁ ନେଇ ଛାନ୍ଭିନ୍ କରୁଛି ପୋଲିସ । ଯୁବକଙ୍କ ପରିଚୟ ମିଳିଲେ ସବୁକିଛି ସ୍ପଷ୍ଟ ହେବ ବୋଲି ପୋଲିସ କହିଛି ।
