ରାୟଗଡା ୧୭/୧: ପାହାଡ ଟାପୁ ଉପରେ ଯୁବକଙ୍କ ମୃତଦେହ । ପାଖରେ ପଡିଛି ମଦ ବୋତଲ, ମେଡିସିନ ସହ ମୋବାଇଲ ଓ କିଛି ଟଙ୍କା । ହତ୍ୟା ଅଭିଯୋଗ ପରେ ପୋଲିସର ଛାନ୍ଭିନ୍ । ରାୟଗଡା ସହର ଉପକଣ୍ଠ ବାଇସିଂ ପଞ୍ଚାୟତ ଧୁମାଗୁଡା ଗାଁ ନିକଟ ରାସ୍ତା କଡରେ ଥିବା ଏକ ଛୋଟ ପାହାଡ ଟାପୁରେ ଯୁବକଙ୍କ ମୃତଦେହ ମିଳିବା ପରେ ଆଲୋଡନ ।
ସକାଳୁ ସକାଳୁ ଲୋକାରଣ୍ୟ ହୋଇଯାଇଥିଲା ଟାପୁ । ମୃତ ଯୁବକଙ୍କ ପରିଚୟ ମିଳିଛି । କାଶିପୁର ବ୍ଲକ ଗୋରଖପୁର ପଞ୍ଚାୟତ ପଟାମୁଣ୍ଡା ଗାଁର ୨୨ ବର୍ଷର ଯୁବକ ପବିତ୍ର ନାଏକ । ଖବର ପାଇ ଘଟଣାସ୍ଥଳରେ ପହଞ୍ଚିଥିଲା ଶେଷଖାଲ ଥାନା ପୋଲିସ । ମୃତଦେହ ନିକଟରେ ମଦ ବୋତଲ,କପା ମେଡିସିନ,ମୋବାଇଲ ଓ କିଛି ଟଙ୍କା ପଡିଛି । ଯାହା ହତ୍ୟା ଆଡକୁ ଇସାରା କରୁଛି ।
ସେପଟେ ମୃତକଙ୍କ ଭଉଣୀ ମଧ୍ୟ ପବିତ୍ରଙ୍କ ହତ୍ୟା କରାଯାଇଥିବା ପରି ସଂଗୀନ ଅଭିଯୋଗ ଆଣିଛନ୍ତି । ପବିତ୍ର ପାହାଡ ଉପରକୁ ଆସିଲେ କେମିତି ? ସେ ନିଜେ ଆତ୍ମହତ୍ୟା କରିଛନ୍ତି ନା ତାଙ୍କୁ କେହି ଯୋଜନାବନ୍ଧ ଭାବରେ ପାହାଡ ଉପରକୁ ଆଣି ହତ୍ୟା କରିଛି ? ସାଇଣ୍ଟିଫିକ୍ ଟିମ୍ ସହାୟତାରେ ବିଭିନ୍ନ ଦିଗକୁ ନେଇ ଛାନ୍ଭିନ୍ ଚଳାଇଛି ପୋଲିସ ।
You Can Also Read:
ସମ୍ବଲପୁର ମାନାପୁରମ ଶାଖାରୁ ସୁନା ଲୁଟ୍ ଘଟଣା, ୩ଦିନ ରିମାଣ୍ଡରେ ଯିବେ ୨ ଅଭିଯୁକ୍ତ
