ନୂଆଦିଲ୍ଲୀ ୨୪/୦୧ : ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଇଥିବା ଦିନିକିଆ ସିରିଜ୍ରେ ୦-୩ରେ ପରାଜିତ ହୋଇଛି ଟିମ୍ ଇଣ୍ଡିଆ । ଭାରତରେ ନୈରାଶ୍ୟଜନକ ପରାଜୟକୁ ନେଇ ଏବେ ଚର୍ଚ୍ଚା ଜୋର ଧରିଛି । ଅନେକ କ୍ରିକେଟ ପ୍ରେମୀ ଟିମ୍ ଇଣ୍ଡିଆର ଏଭଳି ପ୍ରଦର୍ଶନକୁ ନେଇ ଖୋଲା ଖୋଲି ଭାବେ ସମାଲୋଚନା ମଧ୍ୟ କରୁଛନ୍ତି ।
ଶେଷ ଦିନିକିଆରେ ଉଭୟ ଟିମ୍ ମଧ୍ୟରେ ଶେଷ ଯାଏଁ ହୋଇଥିବା ଲଢେଇକୁ କ୍ରିକେଟ ପ୍ରେମୀ କେବେ ଭୁଲିବେ ନାହିଁ । କାରଣ ଭାରତ ଏକଦା ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିବା ବେଳେ ପରାଜୟ ନିଶ୍ଚିତ ବୋଲି ଲାଗୁଥିଲା । କିନ୍ତୁ ଶେଷ ଦିନିକିଆରେ ସୁଯୋଗ ପାଇଥିବା ଦୀପକ ଚହର କମାଲ କରିଥିଲେ । ଶେଷ ପର୍ଯ୍ୟନ୍ତ ବ୍ୟାଟିଂରେ କମାଲ୍ କରିଥିଲେ । ଅବଶ୍ୟ ଭାରତ ମାତ୍ର ୪ ରନରେ ପରାଜିତ ହୋଇଥିଲା କିନ୍ତୁ ଚହରଙ୍କ ଇନିଂସ କ୍ରିକେଟ ପ୍ରେମୀଙ୍କ ହୃଦୟ ଜିଣିଥିଲା । ବିଜୟ ପାଇଁ ମାତ୍ର ୧୦ରନ ଆବଶ୍ୟକ ଥିବା ବେଳେ ଚହର କ୍ୟାଚ୍ ଆଉଟ ହୋଇଥିଲେ । ଦଳ ସଙ୍କଟରେ ଥିବା ବେଳେ ଚହର ୩୪ ବଲରୁ ୫୪ ରନର ଗୁରୁତ୍ବପୂର୍ଣ୍ଣ ଇନିଂସ ଖେଳିଥିଲେ । ଶିଖର ଧାଓ୍ବନ, ବିରାଟ କୋହଲି ଏବଂ ଦୀପକ ଚହର ଅର୍ଦ୍ଧଶତୀୟ ଇନିଂସ ଖେଳିଥିଲେ ସୁଦ୍ଧା ଦଳକୁ ବିଜୟୀ କରାଇବାରେ ସକ୍ଷମ ହୋଇନଥିଲେ ।
ଦଳକୁ ବିଜୟୀ ପାଇଁ ପୁରା ଦମ୍ ଲଗାଇଦେଇଥିଲେ ଚହର କିନ୍ତୁ ବିଜୟ ପାଇଁ ୧୦ ରନ ଆବଶ୍ୟକ ଥିବା ବେଳେ କ୍ୟାଚ୍ ଆଉଟ ହୋଇ ନିରାଶ କରିଥିଲେ । ପ୍ୟାଭିଲିୟନ୍ରେ ବସି ବେଶ୍ ନିରାଶ ହେବା ସହ କାନ୍ଦିଥିଲେ ଚହର । ଯାହାକି କ୍ୟାମେରାରେ ସ୍ପଷ୍ଟ ଜଣାପଡୁଥିଲା । ଟ୍ବିଟରରେ ଚହରଙ୍କୁ ବେଶ୍ ପ୍ରଶଂସା କରାଯାଉଛି । କିନ୍ତୁ ଅଧିନାୟକ ଲୋକେସ୍ ରାହୁଲଙ୍କ ଅଧିନାୟକତ୍ବକୁ ୟୁଜରମାନେ ସମାଲୋଚନା କରୁଛନ୍ତି ।
{"width":819,"height":634}
