ଭୁବନେଶ୍ବର ୨୩।୧୧: ବିଜେଡ଼ି ବିଧାୟକ ପ୍ରମିଳା ମଲ୍ଲିକଙ୍କୁ ଜବାବ ଦେଲେ ଧର୍ମଶାଳା ବିଧାୟକ ହିମାଂଶୁ ସାହୁ । ପ୍ରମିଳା ମଲ୍ଲିକଙ୍କ ବାଚାଳାମି ଦେଖା ଦେଲାଣି ବୋଲି ହିମାଂଶୁ କହିଛନ୍ତି । ବରିଷ୍ଠ ବିଧାୟିକା ଭାବରେ ସେ ସମ୍ବେଦନଶୀଳ ହେବା କଥା । ନୂଆ ବିଧାୟକ ହିସାବରେ କାମ କେମିତି ହେବ ଆମକୁ କହିବା କଥା । ସେ ଏଭଳି କହିବା ବଡ଼ ଦୁଃଖର କଥା । ଡ଼ିଡ଼ିଏମ୍ ଅଫିସରେ ୫ଟା ବେଳେ ମିଟିଂ ଥିଲା । ସାଢେ ୬ଟାରେ ପହଞ୍ଚିଥିଲି । ପ୍ରମିଳା ମଲ୍ଲିକ ବିଧାୟିକା ସେ କ’ଣ ୭ଟା ପରେ ତୃତୀୟ ମହଲା, ବିଭାଗୀୟ ସଚିବଙ୍କ ଅଫିସ, ଜିଲ୍ଲାପାଳଙ୍କ ଅଫିସରେ ମିଟିଂ କରିନାହାନ୍ତି । ଯଦି ମୋତେ ମାଡ଼ ହୋଇନି ମୋ ଗାଡିର ଆଗ ପଛ କାଚ ଭାଙ୍ଗିଲା କେମିତି ବୋଲି ହିମାଂଶୁ ସାହୁ ପ୍ରଶ୍ନ କରିଛନ୍ତି ।

ପ୍ରମିଳା ମଲ୍ଲିକ କହିଥିଲେ, ଶାସକ ଦଳର ବୋଲକରା ସାଜିଛି ପୋଲିସ । ଧର୍ମଶାଳା ବିଧାୟକ ଗଣ୍ଡଗୋଳ କରିବାକୁ ଯାଇଥିଲେ ଜିଲ୍ଲାପାଳ ଅଫିସ୍ । ଧର୍ମଶାଳା ଅଞ୍ଚଳର ୨୦୦ ଲୋକ ସାଙ୍ଗରେ କାହିଁକି ନେଇଯାଇଥିଲେ । ହାତରେ କାହିଁକି କିଳା ଧରିକି ଯାଇଥିଲେ । ରାତିରେ ବିଧାୟକ କାହିଁକି ଅଫିସ ଯାଇଥିଲେ । କେବେଠୁ ରାତିରେ ଅଫିସ ଖୋଲିବ ବୋଲି ନୋଟିସ୍ ହୋଇଛି ବୋଲି ପ୍ରଶ୍ନ କଲେ ପ୍ରମିଳା । ଏବେ କିଛି ପ୍ରାକୃତିକ ବିପର୍ଯ୍ୟୟ ନାହିଁ, କଳା କାରନାମା ପାଇଁ ଅଫିସ ଯାଇଥିଲେ କି ? ୨୯ ବର୍ଷର ବିଧାୟକ ମୁଁ ରାତିରେ କେବେ ସରକାରୀ ଅଫିସ ଯାଇନାହିଁ । ବିଧାୟକଙ୍କୁ କେଉଁଠି ମାଡ଼ ହୋଇଛି, ଦେଖାଅ । ଗାଡିରେ ବସିଥିଲେ ବିଧାୟକ ମାଡ଼ କେମିତି ହେଲା । ଆନ୍ଦୋଳନ ହେଉଥିବା ସ୍ଥାନକୁ କାହିଁକି ଧସେଇ ପଶୁଥିଲେ । ଅନ୍ୟ ରାସ୍ତା ଦେଇ ଯାଇପାରିଥାନ୍ତେ ବୋଲି ପ୍ରମିଳା କହିଥିଲେ ।

You Can Read:

ରାସ୍ତାରୁ ଅଟୋ ଚାଳକ ପାଇଲେ ଲକ୍ଷେ ଟଙ୍କା, ମହାନତା ଦେଖାଇ ହଜାଇଥିବା ବ୍ୟକ୍ତିଙ୍କୁ ଫେରାଇଦେଲେ