LIVE TV
News7 Logo
LIVE TV

ଦିଲ୍ଲୀରେ ଆରମ୍ଭ ହେଲା Hot-Air ବେଲୁନ ରାଇଡ୍, ଜାଣନ୍ତୁ ଲୋକେସନରୁ ଆରମ୍ଭ କରି ମୂଲ୍ୟ ପର୍ଯ୍ୟନ୍ତ ସବୁକିଛି

Published By: Prameya-News Bureau - Prameya-News Bureau | November 29, 2025 02:27 PM
NEWS7
diphtheria-vaccine-booster-dose-from-wednesday-in-rayagada

ନୂଆଦିଲ୍ଲୀ ୨୯।୧୧: ଆରମ୍ଭ ହେବାକୁ ଯାଉଛି ଛୁଟି। ସ୍କୁଲ, କଲେଜ ଶୀତକାଳୀନ ଛୁଟି ହୋଇଯିବ। ଏହା ପୂର୍ବରୁ ଦିଲ୍ଲୀ ବିକାଶ ପ୍ରାଧିକରଣ (ଡିଡିଏ) ମଉଜ ମସ୍ତି ଲାଗି ପ୍ରସ୍ତୁତି କରିସାରିଲେଣି। ୨୯ ନଭେମ୍ବର ଶନିବାର ଦିଲ୍ଲୀରେ ଡିଡିଏ ପ୍ରଥମ ଥର ହଟ-ଏୟାର ବେଲୁନ ରାଇଡ ଆରମ୍ଭ କରିଛି। ଏହି ବ୍ୟବସ୍ଥା ଆରମ୍ଭ ହେବା ପୂର୍ବରୁ ଡିଡିଏ ଯମୁନା କୂଳରେ ବାଂସେରା ପାର୍କରେ ଏହାର ଟ୍ରାୟଲ ରନ କରିଥିଲା। ଉଡାଣ ସଫଳ ହେବା ପରେ ଏହାକୁ ସାଧାରଣ ଲୋକଙ୍କ ନିମନ୍ତେ ଆରମ୍ଭ କରାଯାଇଛି।

ଡିଡିଏ ପକ୍ଷରୁ ୪ଟି ସ୍ଥାନରେ ବେଲୁନ ରାଇଡ ସୁବିଧା ଉପଲବ୍ଧ ହେବ। ଏଥିରେ ପ୍ରଥମ ସ୍ଥାନଟି ହେଉଛି ଅସିତା (ଶନିବାରଠାରୁ ସର୍ବସାଧାରଣ ଉପଯୋଗ ନିମନ୍ତେ ଖୋଲିବାକୁ ଥିବା ରାଇଡ ସ୍ଥାନ), ଦ୍ୱିତୀୟ ସ୍ଥାନଟି ହେଉଛି ବାଂସେରା ପାର୍କ, ତୃତୀୟ ସ୍ଥାନଟି ଯମୁନା ସ୍ପୋର୍ଟସ କମ୍ପ୍ଲେକ୍ସ ହୋଇଥିବା ବେଳେ କମନୱେଲଥ୍ ଗେମ୍ସ ଭିଲେଜ ସ୍ପୋର୍ଟସ୍ କମ୍ପ୍ଲେକ୍ସ ହେଉଛି ଚତୁର୍ଥ ସ୍ଥାନ। ତେବେ ଏହି ୪ଟି ସ୍ଥାନ ମଧ୍ୟରୁ ୨୯ ନଭେମ୍ବର ଶନିବାର କେବଳ ଅସିତାରେ ରାଇଡ ସୁବିଧା ମିଳୁଛି। ତେବେ ଖୁବ୍ ଶୀଘ୍ର ଅଲଗା ଅଲଗା ସ୍ଥାନରୁ ବିଭିନ୍ନ ପର୍ଯ୍ୟାୟରେ ହଟ୍-ଏୟାର ବେଲୁନ ରାଇଡ ସୁବିଧା ମିଳିବ।

ଉଲ୍ଲେଖଯୋଗ୍ୟ ଯେ ହଟ୍-ଏୟାର ବେଲୁନ ୧୨୦ ଫୁଟ ଉଚ୍ଚତା ପର୍ଯ୍ୟନ୍ତ ଉଠିବ। ଏଣୁ ରାଇଡର୍ସ ଯମୁନା ରିଭରଫ୍ରଣ୍ଟ, ଆଖପାଖର ପାର୍କ ଓ ସହରର ବିଭିନ୍ନ ପ୍ରମୁଖ ସ୍ଥାନକୁ ଉପରୁ ଦେଖିବା ବେଶ୍ ଉପଭୋଗ୍ୟ ହେବ। ଏହି ସର୍ଭିସ ଶନିବାରଠାରୁ ଅସିତାରେ ଆରମ୍ଭ ହେଉଛି। ଏହି ରାଇଡ ପାଇଁ ଟିକେଟର ମୂଲ୍ୟ ୩ ହଜାର ଟଙ୍କା ଯୁକ୍ତ ଜିଏସଟି ଦେବାକୁ ପଡିବ। ଆଗାମୀ ଦିନମାନଙ୍କରେ ଏହି ସେବା ଧିରେ ଧିରେ ବାଂସେରା, ଯମୁନା ସ୍ପୋର୍ଟସ କମ୍ପ୍ଲେକ୍ସ ଓ ସିଡବ୍ଲୁଜି ଭିଲେଜ ସ୍ପୋର୍ଟସ କମ୍ପ୍ଲେକ୍ସ ପର୍ଯ୍ୟନ୍ତ ସମ୍ପ୍ରସାରିତ ହେବ।