ପୁରୀ୦୫/୧: ଶ୍ରୀମନ୍ଦିର ଉପରେ ସନ୍ଦିଗ୍ଧ ଡ୍ରୋନ । ଆଇନମନ୍ତ୍ରୀ ପୃଥ୍ବୀରାଜ ହରିଚନ୍ଦନଙ୍କ କଡା ଆଭିମୁଖ୍ୟ । କହିଲେ କିଛି ଦୁର୍ବୃତ୍ତ ଆଇନ ଉଲ୍ଲଂଘନ କରିଛନ୍ତି । ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ହେବ । ରବିବାର ଭୋର ପ୍ରାୟ ୪ଟା ୧୦ରେ ନୋ ଫ୍ଲାଇଂ ଜୋନ୍ ଉପରେ ଡ୍ରୋନ ଉଡୁଥିବା ଦେଖିବାକୁ ମିଳିଥିଲା ।
ଡ୍ରୋନଟି ଦୋଳମଣ୍ଡପ ସାହିରୁ ଆସି ପ୍ରଥମେ ମନ୍ଦିର ଚାରିପାଖ ଓ ପରେ ମେଘନାଦ ପାଚେରୀ ବୁଲିଥିଲା । ଏପରିକି ମନ୍ଦିରର ଦଧିନଉତି ଉପରେ ବି ବୁଲିଥିଲା । ନୀଳଚକ୍ର ଉପରେ ବୁଲିବା ସହ ଉତ୍ତର ଦ୍ବାର ଗୁମୁଟ ଦେଇ ଶ୍ରୀମନ୍ଦିର ଦାଣ୍ଡରୁ ଉଭାନ ହୋଇଯାଇଥିଲା । ପ୍ରାୟ ଅଧଘଣ୍ଟାଏ ଧରି ଏପରି ଚାଲିଥିଲା ।
ତେବେ ଡ୍ରୋନ କିଏ ଓ କାହିଁକି ଉଡାଇଲା ?ଶ୍ରୀମନ୍ଦିର ଉପରକୁ କେମିତି ଆସିଲା ତାକୁ ନେଇ ଉଠିଛି ପ୍ରଶ୍ନ । ଶ୍ରୀମନ୍ଦିର ଉପରେ ଡ୍ରୋନ ଉଡିବା ଘଟଣା ପ୍ରଥମ ନୁହେଁ । ପୂର୍ବରୁ ମଧ୍ୟ ଅନେକ ଥର ଏପରି ଘଟଣା ସାମ୍ନାକୁ ଆସିଛି ।
