ହିନ୍ଦୋଳ ୦୧/୨୫: ନୂଆବର୍ଷର ନୂଆ ସକାଳକୁ ଭଲରେ ଦେଖିବା ପୂର୍ବରୁ ଦଳି ଦେଲା ହାତୀ । ଚାଲିଗଲା ଜୀବନ । ହିନ୍ଦୋଳ ବନାଞ୍ଚଳ ବାଲିମୀ ଥାନା ଖଜୁରୀକଟା ସେକ୍ସନ ଅସରଡା ପଞ୍ଚାୟତ ବାର୍ଷିଙ୍ଗା ଗାଁର ୭୦ ବର୍ଷୀୟ ନବକିଶୋର ମହାରଣା । ବୁଧବାର ସକାଳୁ ଶୌଚ ହେବାକୁ ଯାଇଥିଲେ ନବକିଶୋର । ହଠାତ ଗାଁ ଭିତରକୁ ପଶିଆସିଥିଲା ଦନ୍ତା । ନବକିଶୋରଙ୍କୁ ଆକ୍ରମଣ କରିଥିଲା । ହାତୀ ଆକ୍ରମଣରେ ତାଙ୍କର ଜୀବନ ଚାଲିଯାଇଛି ।
ଗତ ୧୫ ଦିନ ମଧ୍ୟରେ ହାତୀ ଆକ୍ରମଣରେ ୩ ଜଣଙ୍କ ମୃତ୍ୟୁ ହୋଇଥିବାବେଳେ ବର୍ଷକରେ ୫୧ ଜଣଙ୍କ ଜୀବନ ଗଲାଣି । ଅନେକ ଦିନ ଧରି ହିନ୍ଦୋଳ ବନାଞ୍ଚଳରେ ହାତୀ ଉପଦ୍ରବ ଦେଖିବାକୁ ମିଳିଛି । ବନବିଭାଗ ସ୍ଥାୟୀ ପ୍ରତିକାର କରିବା ବଦଳରେ କେବଳ କ୍ଷତିପୂରଣ ଦେଇ କାମ ସାରିଦେଇଥିବା ଅଭିଯୋଗ ହୋଇଛି ।ହାତୀ ଘଉଡାଇବା ପାଇଁ ବନବିଭାଗ ପଦକ୍ଷେପ ନେବାକୁ ଦାବି କରିଛନ୍ତି ବାର୍ଷିଙ୍ଗା ଗ୍ରାମବାସୀ ।
