ନୂଆଦିଲ୍ଲୀ: ଏଲନ୍ ମସ୍କଙ୍କର xAI ଆଜି (୧୮ ଫେବୃଆରୀ) ନିଜର ଚାଟବଟ୍ 'ଗ୍ରୋକ୍ ୩' ଲଞ୍ଚ କରିଛି। ଲଞ୍ଚ ସମୟରେ ଖୋଦ୍ ଟେସଲା ଏବଂ ଏକ୍ସର ମାଲିକ ମସ୍କ ଉପସ୍ଥିତ ଥିଲେ। ଏବଂ ସେ ଗ୍ରୋକ୍ ୩ କୁ ବିଶ୍ୱର ସବୁଠାରୁ ସ୍ମାର୍ଟ ଏଆଇ ବୋଲି କହିଛନ୍ତି। ଗ୍ରୋକ୍୩କୁ ପାଇ ଲୋକେ ସବୁ ଭୁଲିଯିବେ ବୋଲି ମସ୍କ କହିଛନ୍ତି।
'ଗ୍ରୋକ୍ ୩'ର ଲଞ୍ଚ ସମୟରେ, ମସ୍କ ନିଜର ଏଆଇ କମ୍ପାନୀ ଏକ୍ସଆଇAIର ସଦସ୍ୟମାନଙ୍କ ସହିତ ବସିଥିଲେ। ଏବଂ ସମସ୍ତଙ୍କ ସାମ୍ନାରେ ସେ ଗ୍ରୋକ୍ ୩ ର କ୍ଷମତାର ପ୍ରଦର୍ଶନ କରିଥିଲେ। ଏବଂ ଏହା OpenAI, Google, DeepSeek ଇତ୍ୟାଦି ଅନ୍ୟାନ୍ୟ AI ମଡେଲଗୁଡ଼ିକୁ ପଛରେ ପକାଇ ଦେବ ବୋଲି ମସ୍କ କହିଛନ୍ତି। ଏହା କିପରି ଗଣିତ, ବିଜ୍ଞାନ ଏବଂ କୋଡିଂ ମାନଦଣ୍ଡରେ Gemini 2 Pro, Cloud 3.5 Sonnet, GPT 4o, ଏବଂ DeepSeek V3 ଭଳି ଅନ୍ୟ ସମସ୍ତ ମଡେଲକୁ ପଛରେ ପକାଇ ଦେବ ଏହାର ଦକ୍ଷତା ପ୍ରଦର୍ଶନ ବେଳେ କହିଛନ୍ତି ଏଲନ ମସ୍କ।
ମସ୍କ 'ଗ୍ରୋକ୍ ୩' ରିଜନିଙ୍ଗଂ ମଡେଲ୍ ମଧ୍ୟ ଘୋଷଣା କରିଛନ୍ତି। ଏହା OpenAI o3 Mini, DeepSeek R1 ଏବଂ ସଦ୍ୟ ଲଞ୍ଚ ହୋଇଥିବା Gemini 2.0 Flash Reasoning ଭଳି ମଡେଲଗୁଡ଼ିକ ସହିତ ପ୍ରତିଯୋଗିତା କରିବ। Grok 3 ୟୁଜରମାନଙ୍କୁ ଏହାର ଏକାଧିକ ବିଚାରଧାରା ଶୋ କରାଇବ। ଏଥିରେ ଚାଟବଟ୍ କିଭଳି ସମସ୍ୟାର ସମାଧାନ କରେ ଏବଂ ଗ୍ରାହକଙ୍କ ପ୍ରଶ୍ନର ଉତ୍ତର କିଭଳି ଦିଏ ତାହା ଗ୍ରାହକ ଜାଣିପାରିବେ।
ପଢନ୍ତୁ- ଭାରତରେ ଏଣ୍ଟ୍ରି କରିବ ଟେସ୍ଲା ! ନିଯୁକ୍ତି ଦେବା ଆରମ୍ଭ କଲା କମ୍ପାନୀ
ଗ୍ରାହକ ଆଜିଠାରୁ(୧୮ ଫେବ୍ରୁଆରୀ ୨୦୨୫) ଗ୍ରୋକ୍ ୩ର ବ୍ୟବହାର କରିପରିବେ। ଏହା ଏକ୍ସର ପ୍ରିମିୟମ ପ୍ଲସ୍ ପ୍ଲାନ୍ ବ୍ୟବହାର କରୁଥିବା ଗ୍ରାହକମାନଙ୍କ ପାଇଁ ଉପଲବ୍ଧ ହେବ। ଏହି ସବସ୍କ୍ରିପସନ୍ ନେଉଥିବା ଉପଭୋକ୍ତାମାନେ ପ୍ରଥମେ ଗ୍ରୋକ୍୩ ର ସମସ୍ତ ନୂଆ ଅପଡେଟ୍ ଏବଂ ଫିଚର ପାଇବେ।
ସୂଚନା ଥାଉକି ଗ୍ରୋକ୍ ଶବ୍ଦଟି ରବର୍ଟ ହେନଲେନଙ୍କ ଉପନ୍ୟାସ "ଷ୍ଟ୍ରେଞ୍ଜର ଇନ୍ ଏ ଷ୍ଟ୍ରେଞ୍ଜ ଲ୍ୟାଣ୍ଡ"ରୁ ଆସିଛି। ଉପନ୍ୟାସରେ, ଏହି ଶବ୍ଦଟି ମଙ୍ଗଳ ଗ୍ରହରେ ରହି ବଢ଼ିଥିବା ଏକ ଚରିତ୍ର ପାଇଁ ବ୍ୟବହୃତ ହୋଇଛି। ଏହି ଶବ୍ଦର ଅର୍ଥ ହେଉଛି କୌଣସି ଜିନିଷକୁ ସମ୍ପୂର୍ଣ୍ଣ ଏବଂ ଗଭୀର ଭାବରେ ବୁଝିବା। ତେଣୁ, ଏକ୍ସଏଆଇ ଏବଂ ମସ୍କ ସେମାନଙ୍କର ଏଆଇ ମଡେଲର ନାମ ଗ୍ରୋକ୍ ରଖିଛନ୍ତି।
