ଜଳେଶ୍ବର ୨୮।୧୨: ଶିଶୁ ପୁତ୍ରକୁ ବିକ୍ରି କରି ବାଇକ୍ କିଣି ଦେଲେ ବାପା । ଏମିତି ଏକ ଅଭାବନୀୟ ଘଟଣା ଘଟିଛି ବାଲେଶ୍ବର ଜିଲ୍ଲା ବସ୍ତା ଥାନା ଅଧୀନସ୍ଥ ନଟାକଟା ପଞ୍ଚାୟତ ଅନ୍ତର୍ଗତ ହଦମୌଦ ଗ୍ରାମରେ ।
ସୂଚନାଯୋଗ୍ୟ ଯେ, ଗ୍ରାମର ଶାନ୍ତି ବେହେରା ଆଜିକୁ ୩ ବର୍ଷ ପୂର୍ବେ ମୟୁରଭଞ୍ଜ ଜିଲ୍ଲା ରାସଗୋବିନ୍ଦପୁର ବ୍ଲକ୍ ଅନ୍ତର୍ଗତ ପୋଡ଼ାପୋଡ଼ା ଗ୍ରାମର ଧର୍ମୁ ବେହେରାଙ୍କୁ ଦ୍ବିତୀୟ ବିବାହ କରିଥିଲେ । ପୂର୍ବରୁ ଶାନ୍ତିଙ୍କର ଏକ ଶିଶୁପୁତ୍ରଟିଏ ଥିବା ବେଳେ ଧର୍ମୁଙ୍କୁ ବିବାହ କରିବା ପରେ ଅନ୍ୟ ଏକ ପୁତ୍ର ସନ୍ତାନକୁ ଜନ୍ମ ଦେଇଥିଲେ । ଶାନ୍ତି ଦ୍ବିତୀୟ ଥର ଲାଗି ଗର୍ଭବତୀ ହେବାରୁ ସ୍ବାମୀ ତାଙ୍କୁ ପ୍ରସବ କରାଇବା ନିମନ୍ତେ ଗତ ୧୯ ତାରିଖରେ ବାରିପଦା ସ୍ଥିତ ପି.ଆର.ଏମ୍ ମେଡ଼ିକାଲ କଲେଜରେ ନେଇ ଭର୍ତ୍ତି କରାଇଥିଲେ । ଗତ ଡିସେମ୍ବର ୨୨ ତାରିଖ ହସ୍ପିଟାଲରୁ ଡ଼ିସଚାର୍ଜ ହେବା ପରେ ଗ୍ରାମର ଦୁଇ ଯୁବକଙ୍କ ଯୋଗାଯୋଗ କ୍ରମେ ଉଦଳା ଉପଖଣ୍ଡ ଅଧୀନସ୍ଥ ସାଇଁକୁଳା ପଞ୍ଚାୟତ ଅନ୍ତର୍ଗତ ମାଣିଚ ଗ୍ରାମର ଜୈନକ ନିଃସନ୍ତାନ ଦମ୍ପତିଙ୍କୁ ୬୦ ହଜାର ଟଙ୍କାରେ ବିକ୍ରି କରିଦେଇଥିଲେ । ପରେ ଉକ୍ତ ଟଙ୍କାରେ ସେହିଦିନ ଏକ ନୂଆ ବାଇକ୍ଟିଏ କିଣି ଧର୍ମୁ ନିଜ ଗାଁରେ ବୁଲାବୁଲି କରିବା ପରେ ଘଟଣା ପ୍ରଘଟ ହୋଇଥିଲା । ପରେ CWC ମୟୂରଭଞ୍ଜ ବସ୍ତା ଥାନା ହଦମୌଦ ଗାଁ ତଦନ୍ତ କରିଥିଲା ।
You Can Read:
ମଣ୍ଡି ଅବ୍ୟବସ୍ଥା ନେଇ ରାଜରାସ୍ତାରେ ଚାଷୀ, ଧାନ ବସ୍ତା ରଖି ରାସ୍ତାରୋକ
