ଭୁବନେଶ୍ୱର: ଏକ ଗୁରୁତ୍ୱପୂର୍ଣ୍ଣ ଘଟଣାକ୍ରମେ ଭୁବନେଶ୍ବର ନିଳାଦ୍ରୀ ବିହାର ସ୍ଥିତ ରାଜ୍ୟର ପ୍ରମୁଖ ମଲଟି ସ୍ପେସିଆଲିଟି ଉତ୍କଳ ହସ୍ପିଟାଲରେ ପ୍ରଥମ ଥର ସଫଳତାର ଅଙ୍ଗ ଦାନ ପ୍ରକ୍ରିୟା ସଂପନ୍ନ ହୋଇଅଛି। ଓଡିଶାରେ ଅଙ୍ଗ ପ୍ରତିରୋପଣ ମାଧ୍ୟମରେ ଜୀବନ ରକ୍ଷା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି କୁହାଯାଉଛି | ଖୋର୍ଦ୍ଧାର ଡାଳତୋଳା ନିବାସୀ ୩୧ ବୟସ୍କ ବିକାଶ କୁମାର ସାହୁଙ୍କର ଡାହାଣ ପାର୍ଶ୍ୱରେ ଥିବା ମସ୍ତିଷ୍କ ରକ୍ତସ୍ରାବ ହେତୁ ଷ୍ଟ୍ରୋକ୍ ହେବା ପରେ ତାଙ୍କୁ ଚିକିତ୍ସl ପାଈଁ ଉତ୍କଳ ହସପିଟାଲରେ ଭର୍ତ୍ତି କରାଯାଇଥିଲା।
ନ୍ୟୁରୋସର୍ଜନର ନିର୍ଦ୍ଦେଶକ ଡାକ୍ତର ସିଦ୍ଧାର୍ଥ ଶଙ୍କର ସାହୁଙ୍କ ନେତୃତ୍ୱରେ, ଡାକ୍ତର ବିଶ୍ୱବିକlସ ମହାନ୍ତି ଏବଂ ଡାକ୍ତର ରଣଧୀର ମିତ୍ରଙ୍କ ଡାକ୍ତରୀ ଦଳର ଅକ୍ଲାନ୍ତ ପରିଶ୍ରମ ସତ୍ତ୍ଵେ ତାଙ୍କ ମସ୍ତିଷ୍କ-ମୃତ ଘୋଷଣା କରାଯାଇଥିଲା। ଏହି ଘୋଷଣା ପରେ ରୋଗୀର ପରିବାର ତାଙ୍କ ଅଙ୍ଗ ଦାନ କରିବାକୁ ଏକ ନିଃସ୍ୱାର୍ଥପର ଏବଂ ସାହସିକ ନିଷ୍ପତ୍ତି ନେଇଥିଲେ। ଯକୃତ ସିରୋସିସ୍ ରୋଗରେ ପୀଡ଼ିତ ରୋଗୀଙ୍କୁ ତାଙ୍କର ଯକୃତ ସଫଳତାର ସହିତ ସ୍ଥାନାନ୍ତର କରାଯାଇଥିଲା | ଜଟିଳ ଯକୃତ ପ୍ରତିରୋପଣ ପ୍ରକ୍ରିୟାକୁ ଡl ସତ୍ୟପ୍ରକାଶ ରାୟଚୌଧୁରୀଙ୍କ ନେତୃତ୍ବରେ ଉତ୍କଳ ହସପିଟାଲର ତାଙ୍କର ସହଯୋଗୀ ମାନେ ସମ୍ପନ୍ନ କରିଥିଲେ।
ଶ୍ରଦ୍ଧାଞ୍ଜଳି ସ୍ୱରୂପ ମୃତ ବ୍ୟକ୍ତିଙ୍କ ଶରୀରରେ ଭୁବନେଶ୍ଵର ଉତ୍ତରର ପୂର୍ବତନ ବିଧାୟକ ତଥା ବିଜେପି ନେତା P ନେତା ପ୍ରିୟଦର୍ଶୀ ମିଶ୍ର, ଡl. ସିଦ୍ଧାର୍ଥ ଶଙ୍କର ସାହୁ, ଡା. ରଣଧୀର ମିତ୍ର, ଡl ବିଶ୍ଵ ବିକାଶ ମହାନ୍ତି, ସି.ଓ.ଓ. ମାନବ , ଡl ଆକାଶ ଗୁପ୍ତା,ବ୍ୟବସାୟିକ ମୁଖ୍ୟ ସୁବାଷ ଚନ୍ଦ୍ର ପତି ଏବଂ ଉତ୍କଳ ହସ୍ପିଟlଲର ସମସ୍ତ କର୍ମଚାରୀ ତଥା କର୍ତ୍ତୃପକ୍ଷ ମୃତ ବ୍ୟକ୍ତିଙ୍କୁ ଶେଷ ସମ୍ମାନ ଜଣାଇଥିଲେ। ମର ଶରୀରକୁ ପୁଷ୍ପ ଅର୍ପଣ କରାଯାଇଥିଲା ଏବଂ ଡାକ୍ତରଖାନାର କର୍ମଚାରୀମାନେ ବିଦାୟପ୍ରାପ୍ତ ଆତ୍ମାଙ୍କ ସମ୍ମାନାର୍ଥେ ଏକ ମାନବ ଶୃଙ୍ଖଳା ଗଠନ କରିଥିଲେ। ଏହି ଉତ୍ତମ କାର୍ଯ୍ୟକୁ ସ୍ୱୀକୃତି ଦେଇ ହସ୍ପିଟାଲର ସୁରକ୍ଷା କର୍ମଚାରୀ ମାନେ ଓଡିଶା ପୋଲିସ ମଧ୍ୟ ମୃତ ବ୍ୟକ୍ତିଙ୍କୁ ଗାର୍ଡ ଅଫ୍ ଅନର ପ୍ରଦାନ କରିଥିଲେ।
ଏହି ମହତ କାର୍ଯ୍ୟ କରିଥିବାରୁ ଉତ୍କଳ ହସ୍ପିଟାଲର ପରିଚାଳନା ତରଫରୁ ଅଙ୍ଗ ଦାନ କରିଥିବା ବ୍ୟକ୍ତିଙ୍କ ପରିବାରର ସମସ୍ତ ସଦସ୍ୟ ମାନଙ୍କୁ ଧନ୍ୟବାଦ ଅର୍ପଣ କରାଯlଇଥିଲା l ଉନ୍ନତ ଚିକିତ୍ସା ସେବା ଏବଂ ଜନସଚେତନତା ମାଧ୍ୟମରେ ଜୀବନ ରକ୍ଷା କରିବାକୁ ଉଦ୍ୟମ ଜାରି ରଖିବାକୁ ଉତ୍କଳ ହସପିଟାଲ ପ୍ରତିଶ୍ରୁତିବଦ୍ଧ|
