ବଦଳୁଛି ମାଆ ହେବାର ଧାରା; ଭାରତରେ ବଢୁଛି C-section ଡେଲିଭରୀ, ଜାଣନ୍ତୁ କାହିଁକି ?

ନୂଆଦିଲ୍ଲୀ ୩୦।୦୧; "ପ୍ରସବ" ଶବ୍ଦଟି ଶୁଣିବା ମାତ୍ରେ, ଅଧିକାଂଶ ଲୋକ ନର୍ମାଲ ଡେଲିଭରୀ ବିଷୟରେ କଳ୍ପନା କରନ୍ତି। କିନ୍ତୁ ଏବେ ତାହା ପରିବର୍ତ୍ତନ ହେଉଛି। ବର୍ତ୍ତମାନ ଏକ ତଥ୍ୟ ସାମ୍ନାକୁ ଆସିଛି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିବ। ଏହା ପ୍ରଥମ ଥର ଯେ କୌଣସି ଦେଶରେ ନର୍ମାଲ ଡେଲଭରି ଅପେକ୍ଷା ସି-ସେକ୍ସନ ମାଧ୍ୟମରେ ଅଧିକ ଶିଶୁ ଜନ୍ମ ହୁଅନ୍ତି। ଇଂଲଣ୍ଡରେ, ସି-ସେକ୍ସନ ସଂଖ୍ୟା ନର୍ମାଲ ଡେଲିଭରି ଠାରୁ ଅଧିକ । ନୂତନ ତଥ୍ୟ ଅନୁଯାୟୀ, ନର୍ମାଲ ଅପେକ୍ଷା ସିଜରିଆନ୍ ମାଧ୍ୟମରେ ଅଧିକ ମହିଳା ଜନ୍ମ ଦେଉଛନ୍ତି। ଗତ ବର୍ଷ, ଇଂଲଣ୍ଡରେ ପ୍ରାୟ ୪୫% ଜନ୍ମ ସି-ସେକ୍ସନ ଦ୍ୱାରା ହୋଇଥିଲା, ଯେତେବେଳେ ପ୍ରାୟ ୪୦% ନର୍ମାଲ ଡେଲିଭରି ହୋଇଥିଲା। ପ୍ରାୟ ୧୧% ମାମଲାରେ, ଫୋରସେପ୍ସ କିମ୍ବା ଭେଣ୍ଟୁସ୍ ଭଳି ଉପକରଣ ବ୍ୟବହାର କରି ପ୍ରସବ କରାଯାଇଥିଲା। ଏହି ସଂଖ୍ୟା ଗୁଡ଼ିକ ଦର୍ଶାଉଛି ଯେ ପ୍ରସବର ପଦ୍ଧତି ଦ୍ରୁତ ଗତିରେ ପରିବର୍ତ୍ତନ ହେଉଛି।

ଏହି ଧାରା କେବଳ ଇଂଲଣ୍ଡରେ ସୀମିତ ନୁହେଁ । ଭାରତରେ ମଧ୍ୟ ସି-ସେକ୍ସନ ବୃଦ୍ଧି ପାଉଛି ।ସର୍ଭେ ତଥ୍ୟ ଅନୁଯାୟୀ , ଭାରତରେ ପ୍ରାୟ ୫ଟି ପ୍ରସବରେ ୧ ଟି (ପ୍ରାୟ ୨୧.୫%) ସି-ସେକ୍ସନ ଦ୍ୱାରା ହୁଏ। ଯାହା ଆନ୍ତର୍ଜାତୀୟ ସ୍ତରରେ ସୁପାରିଶ କରାଯାଇଥିବା ଅପେକ୍ଷା ଅଧିକ ବୋଲି ବିବେଚନା କରାଯାଏ। ଏତେ ସଂଖ୍ୟକ ସିଜାରିଆନ୍ ପ୍ରସବ ପ୍ରକୃତରେ ଆବଶ୍ୟକ କି, ନା ଏହା କେବଳ ସୁବିଧା ଏବଂ ଭୟ ଯୋଗୁଁ ବୃଦ୍ଧି ପାଇଛି? ଏହି ପ୍ରସଙ୍ଗ ମା' ଏବଂ ଶିଶୁ ଉଭୟଙ୍କ ସ୍ୱାସ୍ଥ୍ୟକୁ ନେଇ ଚିନ୍ତା କରେ, ତେଣୁ ସଠିକ୍ ସୂଚନା ଏବଂ ବୁଝାମଣା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।

ନର୍ମାଲ ଡେଲିଭରି କୁ ପଛରେ ପକାଇଛି ସି-ସେକ୍ସନ

ନୂତନNHS (ଜାତୀୟ ସ୍ୱାସ୍ଥ୍ୟ ସେବା) ତଥ୍ୟ ଅନୁଯାୟୀ, ଗତ ବର୍ଷ, ଇଂଲଣ୍ଡରେ ୪୫% ପ୍ରସବ ସି-ସେକ୍ସନ ଦ୍ୱାରା, ୪୦% ନର୍ମାଲ ଡେଲିଭରି ଦ୍ୱାରା ହୋଇଥିଲା। ୧୧ % ଫୋରସେପ୍ସ କିମ୍ବା ଭାକ୍ୟୁମ୍ ଭଳି ଡିଭାଇସ୍ ଦ୍ୱାରା ସହାୟତା କରାଯାଇଥିଲା। ଏହାର ଅର୍ଥ ହେଉଛି ଏହା ପ୍ରଥମ ଥର ଯେ ସି-ସେକ୍ସନ ପ୍ରସବ ନର୍ମାଲ ଡେଲିଭରିକୁ ପଛରେ ପକାଇ ଦେଇଛି।ପ୍ରତି୧୦ ଟି ସି-ସେକ୍ସନରୁ ୪ଟିରୁ ଅଧିକ ପୂର୍ବରୁ ଯୋଜନା କରାଯାଇଥିଲା। ଡାକ୍ତରୀ ଭାଷାରେ, ଏଗୁଡ଼ିକୁ ଇଲେକ୍ଟିଭ୍ ସି-ସେକ୍ସନ୍ କୁହାଯାଏ। ଏହାର ଅର୍ଥ ହେଉଛି ଏହି ପ୍ରସବଗୁଡ଼ିକ କୌଣସି ଜରୁରୀକାଳୀନ ପରିସ୍ଥିତି ଯୋଗୁଁ କରାଯାଇ ନଥାଏ, ବରଂ ଏକ ପୂର୍ବ ଯୋଜନାବଦ୍ଧ ଅସ୍ତ୍ରୋପଚାର ଭାବରେ କରାଯାଇଥିଲା।ବୟସ ସହିତ ସି-ସେକ୍ସନ୍ ଧାରା ମଧ୍ୟ ବୃଦ୍ଧି ପାଉଛି। ତଥ୍ୟ ଅନୁଯାୟୀ, ୩୦ ବର୍ଷରୁ କମ୍ ବୟସର ମହିଳାମାନଙ୍କ ଠାରେ ନର୍ମାଲ ଡେଲିଭରି ଅଧିକ ଦେଖାଯାଉଥିଲା। ଯେତେବେଳେ ୩୦ ବର୍ଷରୁ ଅଧିକ ବୟସର ମହିଳାମାନଙ୍କ ଠାରେ ସି-ସେକ୍ସନ୍ ଅଧିକ ଦେଖାଯାଉଥିଲା। ୪୦ ବର୍ଷରୁ ଅଧିକ ବୟସର ମହିଳାଙ୍କ ଠାରେ ପ୍ରାୟ ୫୯% ପ୍ରସବ ସି-ସେକ୍ସନ୍ ମାଧ୍ୟମରେ ହେଉଥିଲା। କହିବାକୁ ଗଲେ, ଏପ୍ରିଲ ୨୦୨୪ ରୁ ମାର୍ଚ୍ଚ ୨୦୨୫ ମଧ୍ୟରେ NHS ଇଂଲଣ୍ଡ ହସ୍ପିଟାଲ ଗୁଡ଼ିକରେ ୫ ଲକ୍ଷ ୪୨ ହଜାରରୁ ଅଧିକ ପ୍ରସବ ରେକର୍ଡ କରାଯାଇଥିଲା।

ଭାରତରେ ପରିସ୍ଥିତି କ’ଣ?

ଭାରତରେ ମଧ୍ୟ ସି-ସେକ୍ସନ ମାଧ୍ୟମରେ ପ୍ରସବ ସଂଖ୍ୟା ବୃଦ୍ଧି ପାଉଛି। ଜାତୀୟ ପରିବାର ସ୍ୱାସ୍ଥ୍ୟ ସର୍ଭେ (NFHS-5) ଅନୁଯାୟୀ, ଦେଶରେ ପ୍ରାୟ ୨୧.୫ % ପ୍ରସବ ସି-ସେକ୍ସନ ଦ୍ୱାରା ହୁଏ। ଏହାର ଅର୍ଥ ହେଉଛି ଯେ ୫ ଜଣ ଶିଶୁଙ୍କ ମଧ୍ୟରୁ ୨ ଜଣ ସିଜାରିଆନ୍ ସେକ୍ସନ ମାଧ୍ୟମରେ ଜନ୍ମ ନିଅନ୍ତି। ହେଲେ ଏହି ସଂଖ୍ୟା ଇଂଲଣ୍ଡ ତୁଳନାରେ କମ୍।

କିଛି ରାଜ୍ୟରେ ପରିସ୍ଥିତି ଅଧିକ ଗମ୍ଭୀର

ଭାରତରେ ରାଜ୍ୟ ଅନୁସାରେ ସି-ସେକ୍ସନ ହାର ଭିନ୍ନ ଭିନ୍ନ। ତେଲେଙ୍ଗାନା ଭଳି ରାଜ୍ୟରେ, ୬୦% ରୁ ଅଧିକ ପ୍ରସବ ସି-ସେକ୍ସନ ଦ୍ୱାରା ହୋଇଥାଏ, ଯେତେବେଳେ କିଛି ଉତ୍ତର-ପୂର୍ବ ରାଜ୍ୟରେ, ଏହି ସଂଖ୍ୟା କେବଳ ୫-୬%। ଏହା ବ୍ୟତୀତ, ଘରୋଇ ହସ୍ପିଟାଲ ଗୁଡ଼ିକରେ ସି-ସେକ୍ସନର ହାର ସରକାରୀ ହସ୍ପିଟାଲ ତୁଳନାରେ ଯଥେଷ୍ଟ ଅଧିକ ଥିବା ଜଣାପଡିଛି।

କାହିଁକି ବଢ଼ୁଛି ସି-ସେକ୍ସନ ଡେଲିଭରି?

ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ସି-ସେକ୍ସନର ସଂଖ୍ୟା ବୃଦ୍ଧି ପଛରେ ଅନେକ କାରଣ ରହିଛି। ଏଥିରେ ମା'ଙ୍କ ବୟସ, ଉଚ୍ଚ ବିପଦପୂର୍ଣ୍ଣ ଗର୍ଭଧାରଣ, ପୂର୍ବରୁ ଥିବା ଚିକିତ୍ସାଗତ ଅବସ୍ଥା ଏବଂ କିଛି କ୍ଷେତ୍ରରେ ସୁବିଧା କିମ୍ବା ସମୟ ଆଧାରରେ ସି-ସେକ୍ସନ ବାଛିବା ସାମିଲ। ଏହି ବର୍ଦ୍ଧିତ ଧାରା ପାଇଁ ହସ୍ପିଟାଲ ନୀତି ଗୁଡ଼ିକୁ ମଧ୍ୟ ଏକ ଗୁରୁତ୍ୱପୂର୍ଣ୍ଣ କାରଣ ଭାବରେ ବିବେଚନା କରାଯାଏ। WHO ମଧ୍ୟ ସ୍ପଷ୍ଟ ଭାବରେ କହିଛି ଯେ ଅତ୍ୟଧିକ ସି-ସେକ୍ସନ ମା' ଏବଂ ଶିଶୁଙ୍କ ସ୍ୱାସ୍ଥ୍ୟରେ ଉନ୍ନତି ଆଣେ ନାହିଁ।