ଗୁଣପୁର ୧୩।୫: ରାଜ୍ୟରେ ପ୍ରଥମ ପର୍ଯ୍ୟାୟରେ ଚାଲିଛି ମତଦାନ । ବ୍ରହ୍ମପୁର, କଳାହାଣ୍ଡି, ନବରଙ୍ଗପୁର, କୋରାପୁଟରେ ଲୋକସଭା ସହ ଏହା ଅନ୍ତର୍ଗତ ବିଧାନସଭା ଆସନରେ ଚାଲିଛି ମତଦାନ । ରାୟଗଡା ଜିଲ୍ଲା ଗୁଣପୁର ନିର୍ବାଚନ ମଣ୍ଡଳୀରେ ଶାନ୍ତି ଶୃଙ୍ଖଳାର ସହ ମତଦାନ ଚାଲିଛି । ଗଣତନ୍ତ୍ରର ଏହି ମହାପର୍ବରେ ସାମିଲ ହୋଇଛନ୍ତି ପୂର୍ବତନ ମୁଖ୍ୟମନ୍ତ୍ରୀ ଡଃ ଗିରିଧର ଗମାଙ୍ଗ । ନିଜ ପୈତୃକ ଗାଁ ପଦ୍ମପୁର ବ୍ଲକ ଡିବିରିସିଙ୍ଗିରେ ୯୮ ନମ୍ବର ବୁଥ୍ରେ ନିଜର ମତ ସାବ୍ୟସ୍ତ କରିଛନ୍ତି । ମତଦାନ କେନ୍ଦ୍ରକୁ ନିଜ ପରିବାର ସହ ଆସି ସାଧାରଣ ଭୋଟର ଭଳି ଲାଇନରେ ଛିଡ଼ା ହୋଇ ନିଜର ମତଦାନ କରିଛନ୍ତି । ପୂର୍ବତନ ମୁଖ୍ୟମନ୍ତ୍ରୀ ଡଃ ଗମାଙ୍ଗ ମତ ଦାନ ସମୟରେ ଗୁଣପୁର ନିର୍ବାଚନ ମଣ୍ଡଳୀର ପୂର୍ବତନ ବିଧାୟିକା ତଥା ପତ୍ନୀ ହେମା ଗମାଙ୍ଗ ମଧ୍ୟ ଡିବିରିସିଙ୍ଗିରେ ନିଜର ମତ ସାବ୍ୟସ୍ତ୍ୟ କରିଛନ୍ତି । ସମ୍ବିଧାନ ଯେଉଁ ଅଧିକାର ଦେଇଛି ସେହି ଅଧିକାର ଅନୁସାରେ ମତଦାନ କରିଥିବା ଗିରିଧର ଗମାଙ୍ଗ କହିଛନ୍ତି ।
You Can Read :
ହିନ୍ଦୋଳରେ ପାଣ୍ଡିଆନ୍ଙ୍କ ପ୍ରଚାର, ସିଏମ୍ ପ୍ରାର୍ଥୀ ଘୋଷଣା ପାଇଁ ବିଜେପିକୁ ପୁଣି ଦେଲେ ଆହ୍ବାନ
