ନୂଆଦିଲ୍ଲୀ: ଝାଡ଼ଖଣ୍ଡରେ ହୃଦୟ ବିଦାରକ ଘଟଣା । ପାଳ ଗଦାରେ ନିଆଁ ଲାଗି ଯିବାରୁ ୪ ଶିଶୁ ଜୀବନ୍ତ ଦଗ୍ଧ । ପଶ୍ଚିମ ସିଂହଭୂମି ଜିଲ୍ଲା ଜଗନ୍ନାଥପୁର ଅଞ୍ଚଳରେ ଏଭଳି ଅଭାବନୀୟ ଘଟଣା ଘଟିଛି। ମୃତକଙ୍କ ମଧ୍ୟରେ ଜଣେ ପୁଅ ଏବଂ ତିନି ଜଣ ଛୋଟ ଝିଅ ରହିଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଛି ।
ସୋମବାର ପୂର୍ବାହ୍ଣ୧୧ଟାରେ ଗିତିଲିପି ଗାଁରେ ଏହି ଅଗ୍ନିକାଣ୍ଡ ଘଟିଛି । ଏହି ସମୟରେ ୪ଜଣ ଛୋଟ ପିଲା ଘର ପାଖରେ ଖେଳୁଥିଲେ । ଘର ପାଖକୁ ଲାଗି କି ଥିବା ପାଳଗଦାରେ ହଠାତ୍ ନିଆଁ ଲାଗିଯାଇଥିଲା । ଖରା ଦିନ ହୋଇଥିବାରୁ ନିଆଁ ତୁରନ୍ତ ଭୟଙ୍କର ରୂପ ଧାରଣ କରିଥିଲା । ଫଳରେ ନିକଟରେ ଖେଳୁଥିବା ଛୋଟ ପିଲା ନିଆଁ ଭିତରକୁ ଆସିଯାଇଥିଲେ । କୁନି ପିଲାମାନେ ଚିତ୍କାର କରିଥିଲେ ହେଁ ନିକଟରେ ଡିଜେ ବାଜୁଥିବାରୁ କାହାରି କାନରେ କୁନି ପିଲାଙ୍କ ଚିତ୍କାର ପଡ଼ିନଥିଲା । ସ୍ଥାନୀୟ ଲୋକ ପିଲାଙ୍କୁ ବଞ୍ଚାଇବାକୁ ଚେଷ୍ଟା କରିଥିଲେ ମଧ୍ୟ ଅସମର୍ଥ ହୋଇଥିଲେ । ଫଳରେ ନଡ଼ା ନିଆଁରେ ପୋଡି ହୋଇ ୪ଜଣ ଛୋଟ ପିଲାଙ୍କ ମୃତ୍ୟୁ ହୋଇଛି ।.
