ଭୁବନେଶ୍ବର ୧୨।୧୧: ବିଜେଡ଼ି ପ୍ରସଙ୍ଗରେ ଜୟନାରାୟଣ ଦେଇଥିବା ମନ୍ତବ୍ୟକୁ କାଉଣ୍ଟର କରିଛନ୍ତି, ବିଜେଡି ନେତା ଧୃବ ସାହୁ । ସେ କହିଛନ୍ତି, ବିଜେପିର ୪ ମାସ ସରକାର ଏବେ ବି ଆଇସିୟୁରେ ଅଛି । ତେଣୁ ଜନ ସାଧାରଣ କହିବେ ଏହି ଦଳର ଭବିଷ୍ୟତ କ’ଣ ବୋଲି ଧୃବ କହିଛନ୍ତି ।
ଦଳବଦଳ ବୟାନବାଜିକୁ ନେଇ ସରଗରମ ଅଛି ରାଜ୍ୟ ରାଜନୀତି । ମୁନା ଖାଁ, ଦେବାଶିଷ ସାମନ୍ତରାୟଙ୍କ ପରେ ବିତର୍କରେ ସାମିଲ ହୋଇଛନ୍ତି ବିଜେଡିର ବରିଷ୍ଠ ନେତା ଅତନୁ ସବ୍ୟସାଚୀ ନାୟକ । ଅତନୁ କହିଛନ୍ତି, ବିଜେଡି ପୁଣି ସରକାରକୁ ଫେରିବା ନେଇ ଯୋଜନା କରୁଛି । କଂଗ୍ରେସକୁ ସାଥିରେ ନେଇ ବିଜେଡି ସରକାର ଗଢ଼ିବ ଏବଂ ସ୍ଵାଧୀନ ବିଧାୟକ ସମର୍ଥନ କରିବେ ବୋଲି ଅତନୁ କହିଛନ୍ତି ।
ଅତନୁଙ୍କ ମନ୍ତବ୍ୟ ଉପରେ ଟିପ୍ପଣୀ ଦେଇଛନ୍ତି ଜୟନାରାୟଣ ମିଶ୍ର । ସେ କହିଛନ୍ତି, ଅତନୁ ବାବୁ କଂଗ୍ରେସ ସହ ମିଶି ବିଜେଡି ସରକାର କରିବ ବୋଲି ଯେଉଁ ଦାବି କରିଛନ୍ତି ତାକୁ ସ୍ଵାଗତ । କିନ୍ତୁ ବିଜେଡ଼ି ଦଳ ରହିଲେ ତ । ବିଜେଡ଼ିର ଆୟୁଷ ବହୁତ କମ୍ । ଏବେ ତ ବିଜେଡ଼ି ସାଲାଇନ ଓ ICUରେ ଅଛି ବୋଲି କଟାକ୍ଷ କରିଛନ୍ତି ଜୟନାରାୟଣ । ବିଜେଡିର ନେତୃତ୍ୱ କାହିଁ ବୋଲି ପ୍ରଶ୍ନ କରିଛନ୍ତି ଜୟନାରାୟଣ । ଜୟନାରାୟଣ କହିଛନ୍ତି, ବିଜେଡ଼ି ଲିଜ୍ରେ ଚାଲିଥିଲା । କୌଣସି କର୍ମୀ କଥା ରହିଲାନି । ବିଜେଡି ଯେହେତୁ ଭାଙ୍ଗିଯାଉଛି ତାକୁ ବଞ୍ଚାଇବାକୁ ଅତନୁ ବାବୁ ଏଭଳି କହିଛନ୍ତି ବୋଲି ଜୟନାରାୟଣ କହିଛନ୍ତି ।
You Can Read:
ଏବେ ତ ବିଜେଡ଼ି ସାଲାଇନ୍ ଓ ICUରେ ଅଛି, ନେତୃତ୍ୱ କାହିଁ ? : ଜୟନାରାୟଣ ମିଶ୍ର
