ବାଙ୍କୀ ୧୬/୨: ଆଇଏମ୍ଏସ ଓ ସମ୍ ହସ୍ପିଟାଲର ଫୁଲନଖରା ସ୍ଥିତ କ୍ୟାମ୍ପସ ୨ ପକ୍ଷରୁ ଏକ ମାଗଣା ମେଗା ସ୍ୱାସ୍ଥ୍ୟ ଶିବିର ବାଙ୍କୀର କେନ୍ଦୁପଲ୍ଲୀ ହାଇସ୍କୁଲ ଠାରେ ଅନୁଷ୍ଠିତ ହୋଇଯାଇଛି । ସ୍ଥାନୀୟ ସରପଞ୍ଚ ପ୍ରଦ୍ୟୁମ୍ନ ସୁବୁଦ୍ଧିଙ୍କ ପ୍ରଚେଷ୍ଟାରେ ଏକ ମେଗା ସ୍ୱାସ୍ଥ୍ୟ ଶିବିର ଆୟୋଜନ କରାଯାଇଥିଲା। ଏଥିରେ ଆଇଏମ୍ଏସ ଓ ସମ୍ ହସ୍ପିଟାଲର ୧୨ ଗୋଟି ବିଭାଗ ପକ୍ଷରୁ ଅଭିଜ୍ଞ ଡାକ୍ତରଙ୍କ ଦ୍ୱାରା ଯୋଗାଇ ଦିଆଯାଇଥିଲା ରୋଗୀ ସେବା।
ଶିବିରରେ ୭ରୁ ଅଧିକ ପଞ୍ଚାୟତର ପ୍ରାୟ ୩ ଶହରୁ ଅଧିକ ପରିବାର ପାଇଛନ୍ତି ସମସ୍ତ ସ୍ୱାସ୍ଥ୍ୟ ସୁବିଧା। ମାନବ ସେବା ହିଁ ମାଧବ ସେବା ଏଭଳି ଲକ୍ଷ୍ୟ ରଖି ପ୍ରଥମ କରି ଆରମ୍ଭ କରାଯାଇଛି ଏହି ପଂଚାୟତରେ ମାଗଣା ସ୍ୱାସ୍ଥ୍ୟ ଶିବିର। ଏହା ଆଗକୁ ବ୍ୟାପକ କରାଯିବ ସହିତ କିଭଳି ଅଧିକରୁ ଅଧିକ ରୋଗୀ ସେବା ଯୋଗାଇ ଦିଆଯିବ ସେ ଦିଗରେ ସମସ୍ତ ପ୍ରୟାସ କରାଯିବ ବୋଲି କହିଛନ୍ତି ସ୍ଥାନୀୟ ସରପଞ୍ଚ ପ୍ରଦ୍ୟୁମ୍ନ ସୁବୁଦ୍ଧି।
