ଖୋର୍ଦ୍ଧା ୧୨/୧: ଦୁର୍ଘଟଣାଗ୍ରସ୍ତ କାରରୁ ମିଳିଲା ବିପୁଳ ପରିମାଣର ଗଞ୍ଜେଇ । ଘଟଣାସ୍ଥଳରୁ ଡ୍ରାଇଭର ଓ ସହଯୋଗୀ ଫେରାର । ରବିବାର ସକାଳ ସମୟ । ଖୋର୍ଦ୍ଧା ୧୬ ନମ୍ବର ଜାତୀୟ ରାଜପଥ ବରୁଣେଇ ଓଭରବ୍ରିଜ ଉପରେ ଗୋରୁ ଗାଡି ଜବତ କରୁଥିଲା ଶିଳ୍ପାଞ୍ଚଳ ଥାନା ପୋଲିସ । ଏହି ସମୟରେ  ଏକ ମାରୁତି ସୁଜିକି ସୁଇଫ୍ଟ (OD02CT7521)କାର ଦୁର୍ଘଟଣାଗ୍ରସ୍ତ ହୋଇଥିବା ଦେଖାଯାଇଥିଲା । ସେଠାରେ ପହଞ୍ଚି କାରକୁ ଯାଞ୍ଚ କରିବା ସମୟରେ ଭିତରେ ବିପୁଳ ପରିମାଣର ଗଞ୍ଜେଇ ଦେଖି ଚକିତ ହୋଇଯାଇଥିଲା ପୋଲିସ ।

 ସଙ୍ଗେ ସଙ୍ଗେ ଅବକାରୀ ବିଭାଗକୁ ଖବର ଦିଆଯାଇଥିଲା । ପୋଲିସ କାରଟିକୁ ଜବତ କରିଥିବାବେଳେ ଗଞ୍ଜେଇକୁ ଅବକାରୀ ବିଭାଗକୁ ହସ୍ତାନ୍ତର କରିଛି । ଓଜନ କରିବା ପରେ ଗଞ୍ଜେଇର ପ୍ରକୃତ ମୂଲ୍ୟ ଜଣାପଡିବ ବୋଲି କହିଛି ଅବକାରୀ ବିଭାଗ । ଫେରାର ଅଭିଯୁକ୍ତଙ୍କୁ ଧରିବାକୁ ବିଭିନ୍ନ ସ୍ଥାନରେ ତନାଘନା କରୁଛି ପୋଲିସ ।