ବିନିକା ୧।୬: ଆକାଶରୁ ନିଆଁ ବର୍ଷୁଛି । ତତଲା କଡେଇରେ ଭାଜି ହେଉଛି ସାରା ସୁବର୍ଣ୍ଣପୁର । ସୁବର୍ଣ୍ଣପୁର ଜିଲ୍ଲା ବିନିକା ଅଞ୍ଚଳରେ ପ୍ରବଳ ଗ୍ରୀଷ୍ମ ପ୍ରବାହରେ ଜନଜୀବନ ଅସ୍ତବ୍ୟସ୍ତ ହୋଇ ପଡିଛି । ଦିନ ବେଳା ତାପମାତ୍ରା ୪୬ ଡିଗ୍ରୀ ଉପର ରହୁଥିବା ବେଳେ ରାତିରେ ତାପମାତ୍ରା ୩୦ ଡିଗ୍ରୀ ତଳକୁ ଖସୁନାହିଁ । ପ୍ରଚଣ୍ଡ ଗ୍ରୀଷ୍ମ ପ୍ରବାହ ଓ ଗୁଳୁଗୁଳି ଜନଜୀବନକୁ ଅସ୍ତବ୍ୟସ୍ତ କରୁଛି ।
ସୁବର୍ଣ୍ଣପୁର ଜିଲ୍ଲାରେ ପ୍ରତ୍ୟେକ ବର୍ଷ ପାରଦ ଉପରମୁହାଁ ହୋଇଥାଏ । ଯାହାକୁ ନେଇ ଜନସାଧାରଣ ଏବେ ଏକ ପ୍ରକାର ଗରମ ତାୱାରେ ସନ୍ତୁଳି ହେଉଛନ୍ତି l ଯାତାୟାତ କରୁଥିବା ଲୋକେ ଜରୁରୀ କାମ ନଥିଲେ କେହି ବାହାରକୁ ବାହାରୁ ନାହାନ୍ତି l ଅସହ୍ୟ ଗରମ ଖରାର ପ୍ରଭାବ ରହିଥିବା ବେଳେ ରାତିରେ ମଧ୍ଯ ଯାତାୟାତ କରୁଥିବା ସମୟରେ ଖରା ତାତି ଏପରି ରହିଛି ନିଆଁ ଝାଞ୍ଜି ଦେହରେ ବାଜୁଥିବା ଭଳିଆ ଲାଗୁଥିବା ଅଞ୍ଚଳବାସୀ କହିଛନ୍ତି l ଘରେ ଏପରି ଭାବରେ ଗରମ ହେଉଛି ଘରେ ଲାଗିଥିବା ପଙ୍ଖା କୁଲର ଆଦୌ କାମ ଦେଉନି l ଲୋକେ ଘରେ ଗରମ ଜିନିଷ ଖାଇବାକୁ ପସନ୍ଦ କରୁନାହାନ୍ତି l ବିନିକା ଅଞ୍ଚଳରେ ଦିନ ୧୦ଟାରୁ ସନ୍ଧ୍ୟା ୫ଟା ପର୍ଯ୍ୟନ୍ତ ରାସ୍ତାଘାଟ ଶୂନଶାନ ହୋଇପଡୁଛି l ବିନିକା ଏନଏସି ପ୍ରଶାସନ ପକ୍ଷରୁ ବିଭିନ୍ନ ଛକ ଗୁଡ଼ିକରେ ଜଲଛତ୍ରର ବ୍ୟବସ୍ଥା କରାଯାଇଛି l ଲୋକେ ଘରେ ବିଭିନ୍ନ ପ୍ରକାରର ଫଳମୂଳ, ଦହି ପାଣି, ଦହିବରା, ତରଭୁଜ, କାକୁଡି ଖାଇବାକୁ ପସନ୍ଦ କରୁଛନ୍ତି l
You Can Read :
ଯମୁନାଗଡ଼ ବିସ୍ଥାପିତଙ୍କ ଭୋଟ୍ ବର୍ଜନ, ଦାବି ପୂରଣ ନହେବା ଯାଏଁ ଭୋଟ୍ଦାନରୁ ରହିବେ ବିରତ
