କଟକ ୧୭।୩: ଏକାଧିକ ଠକେଇ ମାମଲାରେ ଫସିଥିବା ହାଇପ୍ରୋଫାଇଲ୍ ଠକ ହଂସିତା ଅଭିଲିପ୍ସା ଏବେ ଜେଲ୍ରୁ ମୁକୁଳିବେ । ସର୍ତ୍ତମୂଳକ ଭାବେ ଜାମିନରେ ଯିବାକୁ ହାଇକୋର୍ଟ ଅନୁମତି ଦେଇଛନ୍ତି । ହଂସିତାଙ୍କ ସହିତ ସହଯୋଗୀ ଅନିଲ ମହାନ୍ତିଙ୍କ ଜାମିନ ଆବେଦନ ମଞ୍ଜୁର ହୋଇଛି । ଉଭୟ ହଂସିତା ଏବଂ ଅନିଲ ଜାମିନରେ ଯିବାକୁ ହେଲେ କେତେକ ସର୍ତ୍ତ ପୂରଣ କରିବେ ।
ତେବେ ହାଇକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଉଭୟେ ପାସପୋର୍ଟ ସରେଣ୍ଡର କରିବେ । ତଦନ୍ତ ପ୍ରକ୍ରିୟାରେ ସହଯୋଗ କରିବେ । ସହର ବାହାରକୁ ଯିବାକୁ ହେଲେ ଆଇଓଙ୍କ ଅନୁମତି ନେବେ । ୫୦ହଜାର ଟଙ୍କାର ଜଣେ ଜାମିନଦାରଙ୍କ ବଦଳରେ ଉଭୟେ ଜାମିନରେ ଯାଇ ପାରିବେ । ଆବଶ୍ୟକ ହେଲେ ନିମ୍ନ ଅଦାଲତ ଅତିରିକ୍ତ ସର୍ତ୍ତ ରଖିପାରିବେ ବୋଲି ସୋମବାର ହାଇକୋର୍ଟ ତାଙ୍କ ରାୟରେ ଉଲ୍ଲଖ କରିଛନ୍ତି ।
ସୂଚନାଯୋଗ୍ୟ ଯେ, ହଂସିତା ଏବଂ ଅନିଲ ଏକାଧିକ ଠକେଇ ମାମଲାରେ ଫସିଛନ୍ତି । ତେବେ ପୂର୍ବରୁ ୨ଟି ମାମଲାରେ ଜାମିନ ପାଇ ସାରିଥିବା ବେଳେ ଆଜି ୩ୟ ମାମଲାରେ ଜାମିନ ମଞ୍ଜୁର କରିଛନ୍ତି ହାଇକୋର୍ଟ ।
You Can Read:
ଜଳୁଛି ପଶ୍ଚିମ ଓଡ଼ିଶା, ସାଢ଼େ ୧୧ଟା ସୁଦ୍ଧା ଝାରସୁଗୁଡା ସବୁଠୁ ଉତ୍ତପ୍ତ ସହର
